Awatokua 10:28 - Mbeti ti Nzapa - Tënë so amu fini

²⁸ Lo tene na ala: “Ala hinga kue: *Ndia amu lege pepe na zuife ti gue na ndo ti zo ti mbeni mara nde nga ti li na da ti lo. Me ti mbi, Nzapa afa na mbi atene, ayeke nzoni mbi baa mbeni zo tongana zo so ayeke *sioni pepe wala zo so alingbi pepe ti sara beoko na lo.

Awatokua 10:28 ပူးပေါင်းရင်းမြစ်များ

Ésaïe 65:5

Ala yeke tene na azo, atene: ‘Ngba yongoro, ga nduru na mbi pepe! Fade ye ti ngangu ayeke wara mo, ngbanga ti so a zia mbi nde awe.’ Tongana mbi baa aye so kue ala yeke sara, wâ ti ngonzo ti mbi ayeke londo si ayeke gbi ndo lakue.

Marc 7:2

Ala baa so ambeni disiple ti lo ayeke mu *asioni maboko ti ala gi tongaso si ayeke te na kobe; ala sukula ni pepe.

Nzoni Tënë so Luc asu na mbeti 18:11

Farizien ni aluti ti lo lutingo si lo yeke sambela na ya ti be ti lo, lo tene: ‘Mbi mu singila na mo, Nzapa, ngbanga ti so mbi yeke tongana tanga ti azo kue pepe. Ala yeke ti ala azo ti nzi, azo ti kirikiri, azo ti gingo awali wala akoli ti azo. Mbi yeke nga tongana zo ti rongo nginza ti lapo so pepe.

Jean 18:28

Na ndaperere, ala mu Jésus na ndo ti Kaife, ague na lo na da ti govoronere. Amakonzi ti azuife ali na da ni pepe, ngbanga ti so ala ye ti bata tere ti ala *nzoni si ala lingbi ti te kobe ti *Pake.

Jean 4:27

Na ndembe ni so, adisiple ti lo asi. So ala baa, lo yeke tene tënë na wali, li ti ala kue akpe. Me zo oko na popo ti ala ti hunda lo ayeke daa pepe, ti tene: “Mo ye nyen?” wala: “Ngbanga ti nyen laa mo yeke tene tënë na lo?”

Jean 4:9

Wali ti Samarii ni atene na Jésus: “So tënë ti nyen! Mo so mo yeke zuife, mo hunda ngu ti nyongo ni na maboko ti mbi, wali ti Samarii?” Andaa azuife na azo ti Samarii ayeke ma ka tere pepe.

Awatokua 10:29

Ndani laa, na ndembe so ala tokua ti iri mbi, mbi gi be ti mbi pepe si mbi ga. Fadeso mbi hunda ala, mbeni tënë ayeke daa si ala iri mbi ti ga ndali ni so?”

Awatokua 11:9

Go ni na yayu akiri atene: ‘Ye so Nzapa atene ayeke *nzoni, mo baa ni tongana *sioni ye pepe.’