Awatokua 10:25 - Mbeti ti Nzapa - Tënë so amu fini

²⁵ So Pierre aga ti li na ya ti da ni, Corneille aga atengbi na lo. Lo ti na sese na gbe ti Pierre ti voro lo.

Awatokua 10:25 ပူးပေါင်းရင်းမြစ်များ

Daniel 2:30

Ti mbi, a fa na mbi nda ti ye ti ndima ni fango; me ayeke ngbanga ti so mbi yeke na ndara mbi hon azo kue pepe. A fa ni na mbi, tongaso si a lingbi ti fa na mo gbia, nda ti bango-li ti mo si mo lingbi ti hinga nda ti ye so mo yeke gi be ti mo daa.

Daniel 2:46

Tongaso gbia Nabukodonosor ati akpo li ti lo na sese, lo voro Daniel si lo mu yanga titene a mu *sandaga si a zö dukani na Daniel.

Matthieu 14:33

Adisiple so ayeke na ya ti ngo ni akuku na gbe ti lo si ala tene na lo: “Biani, mo yeke Molenge ti Nzapa!”

Matthieu 8:2

Mbeni zo ti buruma aga nduru na tere ti lo si akuku na gbe ti lo, atene: “*Kota Gbia, tongana mo ye, mo lingbi ti sara si tere ti mbi aga nzoni.”

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.