Awatokua 10:23 - Mbeti ti Nzapa - Tënë so amu fini

²³ Pierre ahunda na azo ni ti li na ya ti da si lo mu na ala ndo ti lango daa. So ndo ahan awe, Pierre alondo si lo na ala ague. Ambeni ita, azo ti Jésus so ayeke na Zope amu peko ti lo.

Awatokua 10:23 ပူးပေါင်းရင်းမြစ်များ

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Awatokua 10:29

Ndani laa, na ndembe so ala tokua ti iri mbi, mbi gi be ti mbi pepe si mbi ga. Fadeso mbi hunda ala, mbeni tënë ayeke daa si ala iri mbi ti ga ndali ni so?”

Awatokua 10:33

Nilaa mbi tokua azo hio ti iri mo si mo sara nzoni be, mo ga so. Fadeso, e kue, e yeke ge na dawa ti Nzapa, e yeke ku ti ma tënë so Kota Gbia amu yanga na mo ti tene na e.”

Awatokua 10:45

Azuife so ama na be si ala na Pierre aga so, li ti ala kue akpe, ngbanga ti so ala baa so Nzapa amu nga Yingo-Vuru ti lo na azo ti amara nde!

Awatokua 11:12

Yingo atene na mbi: ‘Mbi gi be ti mbi pepe, me mbi na ala e gue.’ A-ita ti Zope omene so ala yeke baa ala ge so, mbi na ala laa e gue si e li na da ti Corneille.

Awatokua 28:15

A-ita, azo ti Christ ti Rome ama tënë ti e, ala ga na lege ti e ngbii asi na Gara-ti-Apius nga na Ada-Ota-ti-Agene. So Paul abaa ala, lo mu singila na Nzapa si be ti lo akiri awara ngangu.

Awatokua 9:36

Na gbata ti Zope, mbeni wali ayeke daa so ayeke disiple ti Jésus, iri ti lo ayeke Tabita. Iri ti lo na yanga ti greke ayeke Dorkas, nda ni atene “Dengbe”. Lo mu ngoi ti lo kue ti sara anzoni ye na azo, ti mu maboko na azo ti mawa.

Awatokua 9:38

Gbata ti Zope ayo na gbata ti Lida pepe. So adisiple ti Zope ama a tene, Pierre ayeke na Lida, ala tokua azo use na lo, atene: “Mo ga hio na e ge si!”

Awatokua 9:42

Tënë ni amu ya ti Zope kue si azo mingi ama na be na Kota Gbia.

2 Korente 8:21

Ye so agbu be ti e ayeke titene e sara ye mbirimbiri gi na le ti Kota Gbia oko pepe, me nga na le ti azo.

Ahebro 13:2

Ala girisa pepe ti yamba agene nzoni. Na lege ti yambango azo, ambeni ayamba *a-ange, me ala hinga pepe atene, so ayeke a-ange.

1 Pierre 4:9

Ala yamba amba ti ala nzoni na ndo ti ala, me na dikongo tënë na gbe ti go ti ala pepe.