Awatokua 10:17 - Mbeti ti Nzapa - Tënë so amu fini

¹⁷ Pierre ayeke gi li ti lo na ndö ti ye so asi na lo na ya ti mbeni ye tongana bango-li so. Gi na ndembe ni so, azo so Corneille atokua ala so ahunda da ti Simon si ala yeke luti na yanga ti da ni.

Awatokua 10:17 ပူးပေါင်းရင်းမြစ်များ

Jean 13:12

So Jésus ahunzi sukulango gere ti ala awe, lo kiri lo yu bongo ti lo; lo kiri na tere ti kobe ni. Lo hunda ala, lo tene: “Ala hinga nda ti ye so mbi sara na ala so?

Awatokua 10:3

Mbeni lâ, na ngbonga ota ti peko ti bekombite, mbeni *ange ti Nzapa asi na lo na ya ti mbeni ye tongana bango-li si lo baa ni mbirimbiri. Ange ni airi lo, atene: “Corneille!”

Awatokua 2:12

So li ti ala kue akpe si ala hinga li ti ala na ye ni pepe, ala hunda tere ti ala, atene: “So aye ti tene nyen?”

Awatokua 25:20

Mbi hinga li ti mbi na lege so mbi lingbi ti baa ya ti tënë so pepe. Ndani laa mbi hunda na Paul titene tongana lo yeda, lo gue na Jérusalem si a fâ ngbanga ti tënë so kâ.

Awatokua 5:24

So akota wayango-sandaga na makonzi ti aturugu ti kota da ti Nzapa ama tënë so, ala hinga li ti ala na ye ni pepe; ala hunda tere ti ala, atene: “Ye ni ayeke ga ande tongana nyen!”

Awatokua 9:10

Mbeni disiple ayeke na Damas, iri ti lo Ananias. Kota Gbia asi na lo na ya ti mbeni ye tongana bango-li si airi lo, atene: “Ananias!” Ananias ayeda, atene: “Mbi laa, Kota Gbia!”

Awatokua 9:43

Pierre angba na Zope aninga, na da ti mbeni zo so a iri lo Simon; lo yeke zo ti sarango kua ti poro ti nyama.

1 Pierre 1:11

Yingo ti Christ ayeke na ya ti awayanga-Nzapa si ayeke fa na ala kozoni tënë ti pasi so fade Christ ayeke baa, nga na tënë ti gondango so a yeke gonda lo na peko ti pasi ni. Nilaa, ala gi lege ngangu ti hinga ngoi ti singo ti aye so Yingo ti Christ afa tënë ni na ala; ala gi nga ti hinga aye ni ayeke si ande tongana nyen?