Awatokua 10:11 - Mbeti ti Nzapa - Tënë so amu fini

¹¹ Lo baa yayu azi, mbeni ye aga tongana mbeni kota mapia-bongo so a gbu ayanga ni osio si a yeke zu ni na sese.

Awatokua 10:11 ပူးပေါင်းရင်းမြစ်များ

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Ésaïe 43:6

Fade mbi yeke tene na Banga: ‘Kiri na ala’, mbi yeke tene na Mbongo: ‘Gbanzi ala pepe.’ Amolenge ti mbi ti koli so ayeke na yongoro ndo, mo kiri na ala; amolenge ti mbi ti wali so ayeke na nda ti sese kâ, mo kiri na ala.

Ésaïe 56:8

Kota Gbia NZAPA so abongbi azo ti Israel so a gbu ala ando a gue na ala na kodro wande, tënë so lo tene ayeke so: “Mbi bongbi azo na tere ti ala awe, mbi yeke kiri ti bongbi ambeni zo na tere ti ala.”

Ezekiel 1:1

Na lango oku ti nze osio ti ngu baleota ni, mbi yeke na tere ti *bale ti Kebar na popo ti azuife so a gbu ala si a gue na ala na kodro wande. Yayu azi si na ya ti ambeni ye tongana bango-li, Nzapa afa na mbi ambeni ye.

Matthieu 8:11

Mbi tene na ala so fade azo mingi ayeke londo na mbage ti To, ambeni ayeke londo na mbage ti Do ti ga ti duti na ya ti matanga ti tengo kobe na *Kodro-gbia ti yayu, ala na Abraham, Isaac na Jacob.

Nzoni Tënë so Luc asu na mbeti 3:21

So azo kue awara bateme awe, Jésus nga aga si lo wara bateme. So lo yeke sambela, yanga ti yayu azi,

Jean 1:51

Jésus akiri atene: “Biani, mbi tene na ala taa-tënë: fade ala yeke baa yanga ti yayu azi si *a-ange ti Nzapa ayeke ma na nduzu si ala yeke zu na ndö ti *Molenge ti Zo.”

Jean 11:52

Lo yeke kui gi ngbanga ti mara so oko pepe, me lo yeke kui nga ti bongbi amolenge ti Nzapa so ayeke na ando nde nde si ala ga tere oko.

Jean 12:32

Ti mbi, tongana a mu mbi na sese, a kanga mbi na nduzu, fade mbi yeke sara si azo kue aga na tere ti mbi.”

Awatokua 10:12

Na ya ti bongo ni mara ti anyama kue ayeke daa: anyama ti gere osio na ala so ayeke hara harango, na mara ti andeke kue.

Awatokua 11:5

“Mbi yeke sambela na gbata ti Zope si mbeni ye asi na mbi na ya ti mbeni ye tongana bango-li. Mbi baa mbeni ye so akpa kota mapia-bongo so a gbu ayanga ni osio, alondo na nduzu si a zu na sese; ye ni aga aluti na tere ti mbi.

Awatokua 7:56

Lo tene: “Mbi baa yayu azi si mbi baa *Molenge ti Zo so ayeke luti na tere ti Nzapa na mbage ti maboko ti lo ti koli!”

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Rome 9:4

A-ita ti mbi ni ayeke azo ti Israel: Nzapa asara si ala ga amolenge ti lo, lo fa gonda ti lo na ala, lo leke *mbuki ndali ti ala, lo fa *Ndia ti lo na ala, lo fa lege ti vorongo lo na ala, lo mu azendo na ala,

Galasii 2:15

Ti e, a du e zuife, e yeke azo ti amara nde pepe, ala so ayeke azo ti siokpari so ahinga *Ndia ti Nzapa pepe so!

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Efeze 1:10

Lo leke na be ti lo titene, tongana lango ni alingbi awe, lo yeke bongbi ye kue ti yayu na ti sese na gbe ti makonzi oko so ayeke Christ.

Efeze 3:6

Tënë ni ayeke so: na lege ti Nzoni Tënë, azo ti amara nde awara anzoni ye ti Nzapa legeoko na azuife; ala na azuife ayeke na ya ti tere oko. Na lege ti gango so ala ga oko na Jésus Christ, ala kue ayeke ku oko ye so Nzapa amu zendo ni.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

Aye so Nzapa afa 11:19

Kota da ti Nzapa so ayeke na yayu, yanga ni azi si zo alingbi ti baa sanduku ti *mbuki so ayeke na ya ti kota da ni. Tongaso, wâ ti bekpa aza, a ma go ti azo, bekpa asungba, sese ayingi si *apembe ti bekpa atuku ngangu.

Aye so Nzapa afa 19:11

Na pekoni, mbi baa yanga ti yayu azi si mbeni vuru mbarata ayeke daa; iri ti lo so aduti na ndö ti mbarata ni ayeke “Zo ti batango tënë ti yanga ti lo” nga na “Zo ti tenengo taa-tënë.” Lo yeke fâ ngbanga na legeni si lo yeke tiri bira na lege ti mbirimbiri.

Aye so Nzapa afa 4:1

Na pekoni, mbi baa mbeni ye nde: mbi baa mbeni yanga ti da so azi na yayu. Mbeni go so mbi ma kozoni si atoto tongana tatalita so, atene na mbi: “Mo ma na nduzu ge; fade mbi yeke fa na mo aye so, alingbi asi na pekoni.”