Awatokua 1:7 - Mbeti ti Nzapa - Tënë so amu fini

⁷ Jésus akiri tënë na ala: “So ayeke tënë ti ala pepe ti hinga ngoi ni na ndembe ni. Biani, Babâ oko laa aleke na be ti lo na lege ti komandema ti lo.

Awatokua 1:7 ပူးပေါင်းရင်းမြစ်များ

Mbeti ti Job 24:1

Nzapa so ngangu ti lo ahon angangu kue, ngbanga ti nyen si lo bata mbeni lango ti fango ngbanga pepe? Lango so lo ga ti sara na kua ti lo, ngbanga ti nyen si azo so ahinga lo abaa ni pepe?

Daniel 2:21

Lo laa lo yeke leke angoi nde nde; lo yeke leke akapa ti aye nde nde; lo yeke tumba agbia na ndö ti mbata si lo yeke zia ala na ndö ti mbata. Lo laa lo yeke mu ndara na azo ti ndara si lo yeke sara titene zo ahinga ndo.

Matthieu 20:23

Jésus atene na ala: “Biani, fade ala yeke nyon kopo ti mbi ni; me tënë ti dutingo na mbage ti maboko ti mbi ti koli na ti wali, mbi laa mbi yeke mu ni na azo pepe. Ndo ni ayeke ti azo so Babâ ti mbi aleke ni ndali ti ala.”

Matthieu 24:36

“Ti lango ti singo ti aye ni wala ngbonga ni, zo oko ahinga ni pepe: ataa *a-ange so ayeke na yayu, ataa Molenge ni; gi Babâ oko laa ahinga ni.

Marc 10:40

Me tënë ti dutingo na mbage ti maboko ti mbi ti koli wala na mbage ti maboko ti mbi ti wali, mbi laa mbi yeke mu ni na zo pepe. Ndo ni ayeke ti azo so Nzapa aleke ni ndali ti ala.”

Marc 13:32

“Ti lango ti singo ti aye ni wala ngbonga ni, zo oko ahinga pepe: ataa *a-ange so ayeke na yayu, ataa Molenge ni; gi Babâ oko laa ahinga ni.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Awatokua 17:26

Na lege ti zo oko, lo sara azo ti amara kue si lo zia ala na ndö ti sese kue. Lo leke angoi ti dutingo ti amara oko oko na ndö ti dunia so, lo fa katikati ti sese ti ala.

Efeze 1:10

Lo leke na be ti lo titene, tongana lango ni alingbi awe, lo yeke bongbi ye kue ti yayu na ti sese na gbe ti makonzi oko so ayeke Christ.

1 Timothée 6:15

Lo yeke kiri ande na ngoi so Nzapa wani afa. Nzapa oko so ayeke na ndö ti aye kue, azo ayeke tene nzoni tënë ti lo, lo yeke Gbia ti agbia, Kota Gbia ti akota gbia.

2 Timothée 3:1

Ayeke nzoni mo hinga ye so: na ya ti alango ti ndani, fade angoi ayeke ga ngangu.