Awatokua 1:25 - Mbeti ti Nzapa - Tënë so amu fini

²⁵ ti sara kua ti watokua na peko ti Judas so azia kua ni ti gue na ndo so alingbi na lo.”

Awatokua 1:25 ပူးပေါင်းရင်းမြစ်များ

Abia (Psaumes) 109:7

Na lango so a yeke fâ ngbanga ti lo, ayeke nzoni tënë ati na li ti lo, ayeke nzoni sambela ti lo aga siokpari!

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Matthieu 26:24

Fade *Molenge ti Zo ayeke kui gi tongana ti so Mbeti ti Nzapa atene tënë ni na ndö ti lo; me mawa na zo so ayeke ka ande Molenge ti Zo ni so! Ti zo ni so, tongana a du lo fade pepe, ka ayeke nzoni mingi!”

Jean 13:27

So Judas amu mapa ni, Satan ali na ya ti lo. Jésus atene na lo: “Ye so mo ye ti sara, sara ni hio!”

Jean 17:12

So mbi yeke lani na tere ti ala, mbi bata ala na lege ti ngangu ti iri ti mo so mo mu na mbi. Mbi bata ala si zo oko na popo ti ala agirisa pepe, gi lo so a yeke buba ande lo biani biani so, tongaso si tënë ti Mbeti ti Nzapa aga taa-tënë.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

1 Korente 9:2

Tongana ambeni zo abaa mbi tongana watokua pepe, ti ala, azo ti *Eglize ti Korente, mbi yeke watokua biani! Biani, ala laa afa atene, mbi yeke watokua na lege so ala ga oko na Kota Gbia awe.

Galasii 2:8

Biani, Nzapa so amu ngangu na Pierre ti ga *watokua ndali ti azuife, gi lo oko laa lo mu nga na mbi ngangu ti ga watokua ndali ti azo ti amara nde.