Awatokua 1:15 - Mbeti ti Nzapa - Tënë so amu fini

¹⁵ Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Awatokua 1:15 ပူးပေါင်းရင်းမြစ်များ

Matthieu 13:31

Jésus atene na ala mbeni toli, lo tene: “*Kodro-gbia ti yayu ayeke tongana le ti keke ti mutarde so mbeni zo amu si alu na yaka ti lo.

Nzoni Tënë so Luc asu na mbeti 22:32

Me mbi sambela ngbanga ti mo si mabe ti mo ati pepe. Tongana mo kiri ande na mbage ti mbi, ayeke nzoni mo sara titene a-ita ti mo akpengba.”

Jean 14:12

Biani, mbi tene na ala taa-tënë: zo so ama na be na mbi, lo nga, fade lo yeke sara aye so mbi sara; lo yeke sara akota ye ahon so, ngbanga ti so mbi yeke gue na Babâ.

Jean 21:23

Gi na ndö ti tënë so laa azo ti Christ atene na popo ti ala atene, disiple so ayeke kui ande pepe. Me Jésus atene na disiple ni pepe, atene: “Fade lo yeke kui pepe”. Andaa tënë so Jésus atene ayeke so: “Tongana mbi ye titene lo ngba ngbii mbi ga, ti mo daa nyen?”

Awatokua 10:23

Pierre ahunda na azo ni ti li na ya ti da si lo mu na ala ndo ti lango daa. So ndo ahan awe, Pierre alondo si lo na ala ague. Ambeni ita, azo ti Jésus so ayeke na Zope amu peko ti lo.

Awatokua 11:1

*Awatokua na a-ita, azo ti Jésus so ayeke na Judée ama a tene, azo ti amara nde nga ayeda na tënë ti Nzapa.

Awatokua 11:12

Yingo atene na mbi: ‘Mbi gi be ti mbi pepe, me mbi na ala e gue.’ A-ita ti Zope omene so ala yeke baa ala ge so, mbi na ala laa e gue si e li na da ti Corneille.

Awatokua 11:26

So lo wara lo, lo ga na lo na Antioshe. Na ya ti ngu oko kue, ala use asara kua oko na ya ti Eglize ni si ala fa ye na gba ti azo. Kâ na Antioshe laa azo ato nda ti iri adisiple “azo ti Christ”.

Awatokua 11:29

Tongaso adisiple aleke na be ti ala titene zo oko oko amu ye alingbi na ngangu ti lo ti mu maboko na a-ita, azo ti Christ, so ayeke na Judée.

Awatokua 12:17

Lo sara maboko ti lo na ala titene ala kai; lo fa na ala lege so Kota Gbia asara si lo sigigi na da ti kanga. Lo tene: “Ala gue, afa tënë ni na Jacques nga na a-ita.” Na pekoni, lo zia ala si lo hon na mbeni ndo.

Awatokua 14:2

Me ambeni zuife so ake ti ma na be apusu ambeni zo ti amara nde titene be ti ala aga sioni na tere ti a-ita.

Awatokua 15:1

Ambeni zo alondo na Judée, ala ga na Antioshe ti sese ti Sirii si ala yeke fa ye na a-ita, atene: “Tongana ala fâ *ganza alingbi na *Ndia ti Moïse pepe, ala lingbi ti soo kuâ pepe.”

Awatokua 15:3

Azo ti Eglize ni amu aye na ala ndali ti lege. So ala yeke hon na ya ti sese ti Fenisii na ti Samarii, ala yeke fa na azo lege so azo ti amara nde akiri na mbage ti Nzapa. Tënë ni amu ngia na be ti a-ita, azo ti Christ kue.

Awatokua 16:2

A-ita, azo ti Christ so kue ayeke na Listre na Ikoniom atene nzoni tënë ti Timothée mingi.

Awatokua 16:40

Paul na Silas asigigi na da ti kanga si ala gue na da ti Lydie. Ala baa a-ita, azo ti Christ ti mu na ala wango so alingbi ti mu ngangu na be ti ala; na pekoni, ala zia ala, amu lege ague.

Awatokua 17:10

Gi na bi ni, a-ita, azo ti Christ, azia Paul na Silas na lege titene ala gue na gbata ti Bere. So ala si kâ, ala gue na da ti sambelango Nzapa ti azuife.

Awatokua 17:14

Tongaso a-ita, azo ti Christ, azia Paul na lege hio titene lo gue na yanga ti kota ngu-ingo; me Silas na Timothée angba ti ala na Bere.

Awatokua 17:6

So ala wara Paul na Silas pepe, ala gbu Yason na ambeni ita, azo ti Christ si ague na ala na gbe ti akota zo ti gbata ni. Ala to nda ti dekongo, atene: “Azo so abi wusuwusu na ya ti dunia kue, fadeso ala si ge awe.

Awatokua 18:18

Paul angba na Korente aninga. Na pekoni, lo zia a-ita, azo ti Christ si lo mu mangboko ti gue na sese ti Sirii, lo na Priscille na Akilas. Kozo titene lo londo na gbata ti Sankre ti hon, lo kio kua ti li ti lo, ngbanga ti so lo deba yanga ti lo na le ti Nzapa.

Awatokua 18:27

Lo leke be ti lo ti gue na Akayi, nilaa a-ita, azo ti Christ ti Efeze ayeda si ala sara mbeti na adisiple titene ala yamba lo nzoni. So lo si kâ, na lege ti nzoni be ti Nzapa, lo mu maboko mingi na azo so ama na be.

Awatokua 21:17

So e si na Jérusalem awe, a-ita, azo ti Christ ayamba e na ngia.

Awatokua 21:20

So ala ma tënë ti lo awe, ala gonda Nzapa. Na pekoni, ala tene na Paul: “Ita, mo baa, azuife saki na saki ama na be si ala mu be ti ala kue ti bata *Ndia ti Moïse.

Awatokua 21:7

Na peko ti so e londo na Tir, tanga ti tambula ti e na le ti kota ngu-ingo ahunzi gi na gbata ti Petolemais. Kâ, e bara a-ita si e na ala e sara lango oko.

Awatokua 22:5

Kota wayango-sandaga na bongbi ti *akangba kue alingbi ti fa so, tënë so mbi yeke tene ayeke taa-tënë. Ala laa amu na mbi lani ambeti so ala tokua na a-ita, azuife ti Damas. Nilaa mbi gue kâ ti gbu azo ni ti kanga ala na zingiri ti kiri na ala na Jérusalem titene a sara pasi na ala.”

Awatokua 28:14

Na ya ti gbata so, e wara ambeni ita, azo ti Christ, so ahunda na e ti sara yenga oko na ala. Lege so e gue, e si na Rome laa.

1 Korente 15:6

Na pekoni, lo si na azo so wungo ti ala ahon ngbangbo oku – mingi na popo ti ala angba na fini laso, ambeni akui awe –.

Aye so Nzapa afa 11:13

Gi na ndembe ni so sese ayingi ngangu; mbeni mbage oko na popo ti ambage baleoko ti gbata ni ati, azo saki mbarambara akui na ya ti ye ti ngangu so. Kota mbeto agbu tanga ti azo so angba na fini so si ala gonda Nzapa so ayeke na yayu.

Aye so Nzapa afa 3:4

Me ambeni zo oko oko ayeke na Sarde so abata bongo ti ala nzoni. Fade ala yeke tambula na tere ti mbi na vuru bongo, ngbanga ti so ala lingbi ti yu ni.