Awafango-ngbanga 9:9 - Mbeti ti Nzapa - Tënë so amu fini

⁹ Me keke ti olive atene: ‘Anzapa na azo aye tënë ti mafuta ti mbi mingi. Ala baa ti ala atene, fade mbi yeke zia lege ti sarango mafuta ni titene mbi baa pasi senge senge na kua ti lengo-gbia na ndö ti amba ti mbi?’

Awafango-ngbanga 9:9 ပူးပေါင်းရင်းမြစ်များ

Mbeti ti Job 1:7

KOTA GBIA ahunda Satan, atene: “Mo londo na ndo wa?” Satan akiri tënë: “Mbi fono, mbi baa ndö ti sese si mbi ga so.”

Mbeti ti Job 2:2

KOTA GBIA ahunda Satan, atene: “Mo londo na ndo wa?” Satan akiri tënë na KOTA GBIA: “Mbi fono, mbi baa ndö ti sese si mbi ga so.”

Abia (Psaumes) 104:15

vin asara si tere ti zo anzere, asara si le ti zo aza ahon mafuta so zo asara na le ti lo; kobe akiri amu ngangu na zo.

Abia (Psaumes) 89:20

Mbeni lâ, na ya ti mbeni ye tongana bango-li, mo tene tënë na azo ti mo so angba na lege ti mo, mo tene: “Mbi mu maboko na mbeni kpengba koli oko na popo ti azo ti mbi, mbi zia mbeni maseka-koli na li ti azo ti mbi.

Sigingo 29:2

mo yeke mu farini ti *ble, mo sara na mapa so a sara na mama ni pepe, na agatoo so a sara na mafuta si mama ni ayeke daa pepe nga na makara so a sara na mama ni pepe si a kpaka mafuta na tere ni.

Sigingo 29:7

Mo yeke mu mafuta ti tukungo na li ti zo, mo tuku na li ti lo ti zia lo nde ndali ti mbi.

Sigingo 35:14

gere ti alamba na agbakuru ni, alamba ni nga na mafuta ti ziango na ya ni;

Awayango-sandaga 2:1

“Tongana mbeni zo aye ti mu na *KOTA GBIA *sandaga ti ale ti kobe, alingbi lo mu farini, lo tuku mafuta daa si lo zia nga dukani daa.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 4:27

“Biani, Herode na Ponse Pilate, ala na azo ti amara nde na azo ti Israel abongbi tere na ya ti gbata so, ala leke tënë na tere ti Jésus, zo ti kua ti mo so ayeke nde si ayeke nzoni kue so, lo so mo mu lo ti ga Mesii.

1 Jean 2:20

Ti ala, a-ita, ala wara Yingo-Vuru so Christ amu na ala si ala kue ahinga taa-tënë awe.

Awafango-ngbanga 9:10

Tongaso, akeke atene na keke ti fige: ‘Mo so, ga, mo le-gbia na ndö ti e!’

Awafango-ngbanga 9:8

“Mbeni lâ, akeke alondo ti gue ti soro mbeni mba ti ala titene lo ga gbia ti ala. Ala tene na keke ti olive: ‘Le-gbia na ndö ti e!’