Awafango-ngbanga 9:4 - Mbeti ti Nzapa - Tënë so amu fini

⁴ Tongaso ala mu na Abimelek ale ti nginza balembarambara so ayeke na ya ti da ti nzapa Baal-Berit. Lo mu nginza so, lo futa na agodobe nga na azo ti kirikiri titene ala mu peko ti lo.

Awafango-ngbanga 9:4 ပူးပေါင်းရင်းမြစ်များ

2 Samuel 6:20

David akiri na da ti lo ti sara tufa na ndö ti azo ti da ti lo; me Mikal, molenge ti Saul ti wali ague, awara David na lege si lo tene na lo: “Laso, gbia ti Israel awara gonda mingi! Na le ti awali so ayeke sara kua na gbe ti azo ti gbia, gbia azi bongo na kate ti lo tongana mbeni senge zo!”

2 Mbai 13:7

Agodobe na azo ti kirikiri abongbi na tere ti Yeroboam si ala hon ndö ti Roboam, molenge ti Salomon. Roboam angba lani maseka si lo de ti kpengba pepe, nilaa lo lingbi ti gbu le ni na ala pepe.

Mbeti ti Job 30:8

Mara ti azo ti fuu laa, iri ti ala ayeke daa pepe. A mu keke si a tumba na ala na ya ti kodro.

Amato 12:11

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, li ti lo ayeke daa pepe.

Sofonii 3:4

Awayanga-Nzapa ti lo ayeke azo ti kirikiri, azo ti handango zo; awayango-sandaga ti lo asara si ye so a zia nde ndali Nzapa aga *sioni; ala do ndia na sese.

Awatokua 17:5

Me kota be asara azuife; ala mu ambeni godobe na tere ti ala, ala bi tomboka na li ti gba ti azo si ala bi wusuwusu na ya ti gbata ni. Ala gue na da ti Yason ti gbu Paul na Silas ti ga na ala na gbe ti azo ni.

Awafango-ngbanga 11:3

Tongaso Yefte akpe yongoro na tere ti a-ita ti lo, lo gue, lo sara kodro na Tob. Ambeni godobe aga na tere ti lo, ala mu maboko na lo ti sara bira.

Awafango-ngbanga 8:33

Na peko ti kuâ ti Gédéon, azo ti Israel akiri avoro anzapa *Baal. Ala mu Baal-Berit ti ga nzapa ti ala.

Awafango-ngbanga 9:27

Ala londo ague na yaka ti *vinye ti ala, ala ko ale ti vinye ni, ala pete ni; na pekoni ala leke mbeni matanga. Ala gue na ya ti da ti nzapa ti ala, ala te, ala nyon si ala deba Abimelek.

1 Samuel 22:2

Azo so aye ti ngangu asi na ala, azo so yongo ti azo ayeke na li ti ala nga na azo so tere ti ala anzere pepe abongbi na tere ti David si lo ga makonzi ti ala. Wungo ti ala kue ayeke nduru na ngbangbo osio.