Awafango-ngbanga 8:2 - Mbeti ti Nzapa - Tënë so amu fini

² Gédéon akiri tënë na ala, atene: “Kua so mbi sara alingbi na kua so ala sara? Kua so ala, azo ti mara ti Efraim asara ayeke kota mingi ahon kua so azo ti kete mara ti mbi, mara ti Abiezer asara!

Awafango-ngbanga 8:2 ပူးပေါင်းရင်းမြစ်များ

Awayango-sandaga 19:9

“Tongana ala yeke fâ ale ti kobe ti yaka ti ala, alingbi ala fâ ale ti kobe so ayeke na yanga ti yaka ni pepe. Fade ala yeke kiri ti fâ ale ti kobe so angba so pepe.

Wungo ti azo 26:30

Amolenge ti Galaad ayeke so: Yezer, kotara ti azo ti kete mara ti Yezer; Helek, kotara ti azo ti kete mara ti Helek;

Awafango-ngbanga 6:11

*Ange ti *KOTA GBIA asi na kete kodro ti Ofra; lo duti na gbe ti keke ti shene ti Yoash, zo ti kete mara ti Abiezer. Gédéon, molenge ti Yoash angba ti pika le ti *ble na ya ti du so a leke titene apete ale ti *vinye daa; lo sara tongaso titene azo ti Madian abaa ni pepe.

Awafango-ngbanga 6:34

Yingo ti *KOTA GBIA aga na ndö ti Gédéon; lo huru didi ti iri azo ti kete mara ti Abiezer titene ala ga na peko ti lo.

Awafango-ngbanga 8:1

Azo ti Efraim atene na Gédéon: “Mo sara mara ti ye tongaso na e ngbanga ti nyen? Na guengo ti mo ti sara bira na azo ti Madian, mo iri e ti mu maboko na mo pepe ngbanga ti nyen?” Ala suku na lo ngangu mingi.

Awafango-ngbanga 8:3

Nzapa azia amakonzi ti Madian, Oreb na Zeb na maboko ti ala. Kua so mbi sara alingbi na ti ala lawa!” Na peko ti tënë so, be ti azo ti Efraim ade.