Awafango-ngbanga 7:9 - Mbeti ti Nzapa - Tënë so amu fini

⁹ Gi na bi ni so, *KOTA GBIA atene na Gédéon: “Londo, mo li na ya ti bâbâ ti azo ti Madian ti sara bira, ngbanga ti so mbi zia ala na maboko ti mo awe.

Awafango-ngbanga 7:9 ပူးပေါင်းရင်းမြစ်များ

2 Mbai 20:17

Tiringo bira ni ayeke ti ala pepe. Ala, azo ti Juda na ti Jérusalem, ala gue kâ, ala luti kpoo, ala kue ayeke baa lege so KOTA GBIA ayeke soo ande ala na kuâ. Ala sara mbeto pepe, ala zia mbeni ye azia mbeto na be ti ala pepe. Kekereke, ala gue na mbage ti awato ni; fade KOTA GBIA ayeke na ala.’ ”

Mbeti ti Job 4:13

Ye ni asi na bi, na ndembe so azo ayeke baa li ti ala kirikiri, na ndembe so ala kui na lango.

Matthieu 1:20

Na ndembe so lo ngba ti gbu li ti lo, mbeni *ange ti *Kota Gbia asi na lo na ya ti bango-li si atene na lo: “Joseph, molenge ti David, mo sara mbeto ti mu wali ti mo Marie pepe, ngbanga ti so molenge so ayeke na ya ti lo aga na lege ti Yingo-Vuru.

Matthieu 2:13

Na peko ti so azo ti gingo nda ti atongoro ni amu lege ague awe, mbeni *ange ti *Kota Gbia asi na Joseph na ya ti bango-li. Lo tene na Joseph: “Londo, mu molenge ni, lo na mama ti lo, ala kpe ague na Ezipte, aduti kâ! Tongana mbi mu yanga na mo ti kiri si mo kiri, ngbanga ti so Herode ayeke gi lege ti fâ molenge ni.”

Awatokua 27:23

Na bi so, mbeni *ange ti Nzapa ti mbi, so mbi yeke sara na lo, asi na mbi

Josué 10:8

*KOTA GBIA atene na Josué: “Sara mbeto pepe! Mbi zia ala na maboko ti mo awe; zo oko na popo ti ala ti gbu le ni na mo ayeke daa pepe.”

Josué 11:6

*KOTA GBIA atene na Josué: “Sara mbeto ti ala pepe, ngbanga ti so kekereke, gi na oko ngbonga so, mbi yeke zia azo ni kue na maboko ti azo ti Israel, nduru na kuâ. Fade mo yeke fâ akamba ti ngbongo ti ambarata ti ala si mo yeke gbi apusu ti mbarata ti ala.”

Josué 2:24

Ala tene na lo: “Taa-tënë, KOTA GBIA azia kodro ni kue na maboko ti e awe. Ataa azo ti kodro ni kue, ngangu ti ala ahunzi na dawa ti e.”

Awafango-ngbanga 20:28

Pinas, molenge ti Elazar, molenge ti Aaron laa ayeke bata sanduku ni. Azo ti Israel atene: “Fade e kiri e sara bira na azo ti Benjamin, a-ita ti e? Wala e zia lege ni?” KOTA GBIA akiri tënë na ala: “Ala gue senge, ngbanga ti so kekereke, mbi yeke zia azo ti Benjamin na maboko ti ala.”

Awafango-ngbanga 3:10

Yingo ti KOTA GBIA ayeke na ndö ti Otniel si lo ga wafango-ngbanga na ndö ti azo ti Israel. Lo gue na bira. KOTA GBIA azia Kushan-Rishataim, gbia ti Mezopotamii na maboko ti lo si lo hon ndö ti Kushan-Rishataim.

Awafango-ngbanga 3:28

Lo tene na ala: “Ala mu peko ti mbi, ngbanga ti so KOTA GBIA azia azo ti Moab so ayeke awato ti ala na maboko ti ala awe.” Azo ni amu peko ti Ehud si ala gue, akanga lege na ndo so azo ayeke fâ ka ngu ti Jourdain daa na gere; ndo ni ayeke na lege ti guengo na sese ti Moab. Ala zia zo oko ti mara ti Moab ti fâ ngu ni pepe.

Awafango-ngbanga 7:10

Tongana mbeto ti guengo ni asara mo, mo mu Pura, zo ti kua ti mo si mo na lo ague.

Awafango-ngbanga 7:8

Gédéon amu lege na tanga ti azo ti Israel ti kiri na ndo ti ala; lo bata gi azo ngbangbo ota so na tere ti lo. Me ala mu gi akobe na atatalita ti azo so ayeke kiri na ndo ti ala so. Bâbâ ti azo ti Madian ayeke na mbage ti gbeni, na lando.

1 Samuel 14:8

Jonatan atene: “Fadeso e yeke gue na mbage ti azo ni; e fa tere ti e na ala.

1 Samuel 23:4

David akiri ahunda KOTA GBIA si KOTA GBIA akiri tënë na lo, atene: “Londo, mo gue na Keila; fade mbi yeke zia azo ti Filistii na maboko ti mo.”