Awafango-ngbanga 7:5 - Mbeti ti Nzapa - Tënë so amu fini

⁵ Tongaso, Gédéon amu azo ni si azu na ala na yanga ti ngu. KOTA GBIA atene na Gédéon: “Azo so kue ayeke nyon ngu na menga ti ala tongana mbo, fade mo yeke zia ala na mbage; ala so kue ayeke kuku kukungo na sese ti nyon ngu, mo yeke zia nga ala na mbage.”

Awafango-ngbanga 7:5 ပူးပေါင်းရင်းမြစ်များ

1 Agbia 17:13

Élie atene na lo: “Sara mbeto pepe! Gue, mo sara ye ni tongana ti so mo tene. Gi ye oko, ye so mo yeke na ni, mo leke mbeni kete makara, mo ga na ni na mbi kozoni si. Na pekoni, mo leke ti mo na ti molenge ti mo ti koli.

Abia (Psaumes) 110:7

Na hongo ti lo, gbia ni ayeke nyon ngu so ayeke sua suango, ndani laa lo yeke tambula, li ti lo na nduzu.

Awafango-ngbanga 7:4

KOTA GBIA atene na Gédéon: “Azo ni angba ti wu mingi! Mo zu na ala na yanga ti ngu; kâ, mbi yeke soro ya ti ala na mo. Zo so mbi yeke tene lo gue na mo, lo yeke gue na mo; zo so mbi yeke tene lo gue na mo pepe, lo yeke gue pepe.”

Awafango-ngbanga 7:6

Wungo ti azo so kue ato ngu na maboko ti ala si anyon ni na menga ti ala ayeke ngbangbo ota. Tanga ti azo ni kue akuku kukungo na sese ti nyon ngu ni.