Awafango-ngbanga 7:3 - Mbeti ti Nzapa - Tënë so amu fini

³ Gue mo tene tënë na azo ti mo, mo tene: ‘Azo so kue ayeke do na mbeto, ayeke nzoni ala londo na hoto ti Galaad, ala kiri na kodro.’ ” Azo saki baleuse na use na popo ti ala alondo si akiri na kodro, gi azo saki baleoko laa angba.

Awafango-ngbanga 7:3 ပူးပေါင်းရင်းမြစ်များ

Matthieu 13:21

Me tënë ni ali na ya ti be ti ala pepe, ala bata tënë ni na be ti ala aninga pepe. Tongana pasi wala ye ti ngangu asi na ala ngbanga ti tënë ti Nzapa, fafade ala do lege ti tënë ti Nzapa azia.

Matthieu 20:16

Ti hunzi na ni, Jésus atene: ‘Fade azo ti ndani ayeke ga azo ti li ni si azo ti li ni ayeke ga azo ti ndani.’ ”

Ndia ti fani use ni 20:8

Fade akapita ayeke kiri ti tene na aturugu ni, atene: “Na popo ti ala, zo wa laa ayeke na mbeto si be ti lo awoko? Ayeke nzoni lo kiri na yanga-da si lo sara titene be ti a-ita ti lo awoko pepe tongana ti lo.”

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Awafango-ngbanga 6:35

Lo tokua azo na sese ti Manase kue ti iri azo ti mara ni titene ala nga, ala ga na peko ti lo. Lo tokua nga ndo na azo ti mara ti Aser, ti Zabulon na ti Neftali; azo ni kue aga awara lo.