Awafango-ngbanga 6:3 - Mbeti ti Nzapa - Tënë so amu fini

³ Lakue tongana azo ti Israel alu ale ti kobe ti ala, azo ti Madian ayeke ga ti tiri bira na ala; azo ti Madian abongbi na azo ti Amalek nga na ambeni mara ti mbage ti To.

Awafango-ngbanga 6:3 ပူးပေါင်းရင်းမြစ်များ

Tongo nda ti aye 25:6

Ti amolenge so ambeni wali ti lo adu, lo mu kadoo na amolenge ni. So lo de na fini, lo tene na ala ti hon yongoro na tere ti molenge ti lo Isaac ti gue na mbeni kodro, na mbage ti To.

Tongo nda ti aye 29:1

Jacob amu lege ti gue na sese ti azo so ayeke na mbage ti To.

1 Agbia 20:27

Akab nga atambula ti baa aturugu ti Israel oko oko kue. Na peko ti so a mu na ala kobe ti tengo ni awe, ala gue ti tengbi na aturugu ti Sirii. Aturugu ti Israel asara bâbâ ti ala le na le na ti aturugu ti Sirii. A kangbi ya ti aturugu ti Israel use si abongbi ni akpa akete bongbi ti angasa. Me ti aturugu ti Sirii, ala mu ya ti kodro ni kue.

1 Agbia 5:10

Ndara ti Salomon ahon ndara ti azo ti sese ti Arabii na ti azo ti Ezipte.

Mbeti ti Job 1:3

Lo yeke na ataba saki mbarambara, *azambala saki ota, abagara ti fango na yaka saki oko, amama ti lele ngbangbo oku nga na gba ti azo ti kua. Lo yeke kota zo ahon azo ti mbage ti To kue.

Mbeti ti Job 31:8

ayeke nzoni mbeni zo nde ate kobe so mbi lu; ayeke nzoni azo agboto akete keke so mbi lu!

Sigingo 17:8

Azo ti mara ti Amalek aga ti tiri bira na azo ti Israel na Refidim.

Ésaïe 11:14

Na mbage ti Do, ala yeke ti na ndö ti azo ti Filistii; na mbage ti To, ala kue ayeke nzi ye ti amara so ayeke na benyama: azo ti mara ti Edom na ti Moab ayeke ti na gbe ti ala, azo ti mara ti Amon ayeke ga angbaa ti ala.

Ésaïe 62:8

KOTA GBIA adeba, atene: “Na lege ti maboko ti mbi ti koli nga na ngangu ti mbi, mbi yeke kiri ti zia lege na awato ti mo pepe titene ala te ale ti *ble ti mo. Vin ti mo so mo baa pasi ndali ni so, fade awande ayeke kiri ti nyon ni pepe.

Jérémie 49:28

Tënë na ndö ti a-arabu ti Kedar na akodro-gbia ti Hasor so Nabukodonosor, gbia ti Babilone, akinda ala na ya ti bira. Tënë so *KOTA GBIA atene ayeke so: “Ala azo, ala londo! Ala gue na tere ti Kedar ti mu ni na bira! Ala buba ye kue na ndo ti azo ti benyama!

Ezekiel 25:3

Fade mo yeke tene na ala ti ma tënë so mbi Kota Gbia NZAPA, mbi yeke tene na ala: Na lango so ndo so a zia ni nde ndali ti mbi aga sioni, na lango so a buba sese ti Israel si a gbu azo ti Juda a gue na ala na kodro wande, ala azo ti Amon, ala tene, ‘Huuu huuu!’

Ezekiel 25:4

Ndali ni, mbi yeke zia lege na azo ti mbage ti To ti ga ti mu sese ti ala, azo ti Amon, titene aga ti azo ni. Azo ni ayeke sara bâbâ ti ala na ndo ti ala, ala yeke sara ada ti lango ti ala na ndo ti ala. Azo ni laa ayeke te ale ti keke ti ala, azo ni laa ayeke nyon ngu ti me ti bagara ti ala.

Awayango-sandaga 26:16

baa ye so mbi yeke sara ande na ala ayeke so: “Fade mbi yeke tokua na ndö ti ala akota kpale: ala yeke nge ngengo, kobela ti wâ ti tere ayeke sara ala; akobela ni ayeke vuko le ti ala si ayeke woko ala. Ala yeke lu ale ti kobe senge senge, awato ti ala laa ayeke te ni.

Mishe 6:15

Ala yeke lu ale ti kobe, me ala yeke ko ale ti kobe ni pepe. Ala yeke pete ale ti olive, me ala yeke sara kua na mafuta ni pepe. Ala yeke pete ale ti *vinye, me ala yeke nyon vin ni pepe.

Ndia ti fani use ni 28:51

Azo ti mara ni so ayeke gbu anyama ti ala na akobe ti yaka ti ala. Ti ala, azo ti Israel, ala yeke kui na nzara. Azo ti mara ni ayeke zia mbeni ye oko na ala pepe, ataa *ble, ataa mafuta, ataa akete bagara ti ala, ataa akete taba ti ala, ataa akete ngasa ti ala. Azo ti mara ni ayeke sara tongaso ngbii ala hunzi kue.

Awafango-ngbanga 10:12

ti Sidon, ti Amalek na azo ti Maon asara ngangu na ala; ala azo ti Israel, ala dekongo na mbage ti mbi titene mbi mu maboko na ala. Mbi soo ala lani pepe?

Awafango-ngbanga 3:13

Eglon amu na tere ti lo azo ti mara ti Amon na ti Amalek titene ala gue, atiri bira na azo ti Israel; ala mu gbata ti Amburu.

Awafango-ngbanga 6:2

Azo ti Madian asara ngangu mingi na azo ti Israel. Ndali ti azo ti Madian ni, azo ti Israel aleke ando na gbe ti sese, na ya ti adu ti têne nga na li ti ahoto ti honde tere ti ala daa.

Awafango-ngbanga 6:33

Azo ti Madian kue, azo ti Amalek na ambeni mara ti mbage ti To abongbi oko, ala gue, afa ngu ti Jourdain si ala sara bâbâ ti ala na lando ti Yizreel.

Awafango-ngbanga 6:4

Ala ga asara bâbâ ti ala na ndö ti sese ti azo ti Israel, ala buba akobe ti yaka ngbii asi na gbata ti Gaza. Ala zia kobe na azo ti Israel oko pepe; ataa ataba na angasa, ataa abagara, ataa alele, ala zia mbeni ye oko pepe.

Awafango-ngbanga 7:12

Azo ti Madian, azo ti Amalek na ambeni mara ti mbage ti To amu ya ti lando ni gbani gbani tongana angadi; wungo ti *azambala ti ala ayeke tongana wungo ti mbutu ti yanga ti kota ngu-ingo.

Awafango-ngbanga 8:10

Andaa Zeba na Salmuna ayeke na Karkor, ala na aturugu ti ala. Aturugu so angba na ala ayeke nduru na saki baleoko na oku. Tanga ti aturugu ti ambeni mara so alondo na mbage ti To si aga so laa, ngbanga ti so a fâ ambeni saki ngbangbo oko na baleuse awe.