Awafango-ngbanga 6:2 - Mbeti ti Nzapa - Tënë so amu fini

² Azo ti Madian asara ngangu mingi na azo ti Israel. Ndali ti azo ti Madian ni, azo ti Israel aleke ando na gbe ti sese, na ya ti adu ti têne nga na li ti ahoto ti honde tere ti ala daa.

Awafango-ngbanga 6:2 ပူးပေါင်းရင်းမြစ်များ

Mbeti ti Job 30:6

Ala yeke lango na tere ti ahoto, na ya ti adu ti sese nga na ya ti adu ti têne.

Jérémie 41:9

Du ti ngu so Ismael abi kuâ ti azo so kue lo fâ ala daa so, ayeke kota du ti ngu so gbia Asa azi ni na ndembe so Basha, gbia ti Israel aga ti tiri bira na lo. Ismael abi kuâ ti azo ni daa asi.

Jérémie 48:28

Ala, azo ti Moab, ala zia agbata, ala gue, asara kodro na popo ti atêne. Ala sara ye tongana *ambipa so asara da ti ala na mbeni mbage ti kota du kâ.

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Ahebro 11:38

Ala yeke hon gi kirikiri na ya ti benyama, na ya ti ahoto, ala yeke lango na ya ti adu ti têne, na ya ti adu ti sese. Andaa ala yeke anzoni zo so dunia so alingbi na ala pepe.

Aye so Nzapa afa 6:15

Agbia ti sese so, akota zo, amakonzi ti aturugu, azo ti mosoro, angangu zo, azo so ayeke angbaa na azo so ayeke angbaa pepe, ala kue akpe ti honde tere ti ala na ya ti adu ti têne wala na popo ti akota têne so ayeke na ndö ti ahoto.

Awafango-ngbanga 10:8

Ti londo na ngu ni so nga na ya ti ngu baleoko na miombe, azo ni asara sana mingi na azo ti Israel so ayeke lango na sese ti azo ti Amori so ayeke na sese ti Galaad, ndo so ayeke na mbage ti ngu ti Jourdain.

Awafango-ngbanga 10:9

Azo ti Amon afâ ngu ti Jourdain ti sara bira na azo ti Juda, ti Benjamin na ti Efraim. Ti azo ti Israel, ala yeke na ya ti kota kpale.

Awafango-ngbanga 6:3

Lakue tongana azo ti Israel alu ale ti kobe ti ala, azo ti Madian ayeke ga ti tiri bira na ala; azo ti Madian abongbi na azo ti Amalek nga na ambeni mara ti mbage ti To.

1 Samuel 13:6

So azo ti Israel abaa so ala yeke na ya ti ye ti ngangu, ngbanga ti so azo ti Filistii aga nduru nduru na ala, ala kpe ahonde tere ti ala na ya ti adu ti têne, na ya ti adu, na gbe ti akota têne, na gbe ti sese nga na ya ti adu ti ngu.

1 Samuel 14:11

Tongaso, ala use kue ague si azo ti Filistii abaa ala. Azo ti Filistii atene: “Baa, ahebro so lani ahonde tere ti ala na ya ti adu so laa ayeke sigigi so.”