Awafango-ngbanga 5:9 - Mbeti ti Nzapa - Tënë so amu fini

⁹ Be ti mbi ayeke na ndö ti amakonzi ti Israel, na ndö ti azo so alondo na be ti ala wani ti gue na bira. Ayeke nzoni ala mu singila na KOTA GBIA!

Awafango-ngbanga 5:9 ပူးပေါင်းရင်းမြစ်များ

1 Mbai 29:9

Azo ni kue ayeke na ngia, ngbanga ti so ala mu aye na KOTA GBIA na be ti ala kue nga na nzoni be. Be ti David asi singo na kota ngia.

2 Mbai 17:16

na tere ti lo, Amasia, molenge ti Zikri ayeke daa. Na be ti lo wani, lo yeda ti sara kua ti turugu na KOTA GBIA; lo yeke na li ti akpengba turugu 200 000.

2 Mbai 31:8

Ezekias na amakonzi aga ti baa aye so a bongbi ni na gba ni, na gba ni so; ala mu singila na KOTA GBIA, ala gonda nga azo ti Israel.

Néhémie 11:2

Azo ni asara tufa na ndö ti azo so ayeda na be ti ala wani ti lango na Jérusalem.

Abia (Psaumes) 103:2

Biani, mbi ye ti mu singila na KOTA GBIA! Anzoni ye so lo sara na mbi, mbi ye ti girisa mbeni oko pepe.

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

2 Korente 8:17

Lo yeda ti sara ye so e hunda na lo; me ye so lo sara, lo sara ni ahon ti so e hunda na lo: lo wani na be ti lo laa lo mu lege, lo gue na ala ndo ti ala.

2 Korente 9:5

Ndani laa, mbi baa nzoni na le ti mbi ti hunda na a-ita so ti hon kozoni na ndo ti ala kâ si ala leke aye so ala ye ti mu ni. Tongaso, na ndembe so mbi yeke si ande, aye so lani ala mu zendo ti mungo ni so, andaa ala leke ni kue awe. Ye so laa ayeke fa atene, ala yeke mu ye na nzoni be, me na sioni be pepe.

Awafango-ngbanga 5:2

“Na kodro ti Israel, zo oko oko ayeke nduru ti tiri bira, azo ayeda na be ti ala ti gue na bira: ala mu singila na *KOTA GBIA!