Awafango-ngbanga 5:8 - Mbeti ti Nzapa - Tënë so amu fini

⁸ Azo asoro afini nzapa, tongaso bira ati na ya ti kodro ni. Me zo ayeke baa *vala wala likongo oko pepe na popo ti azo ti Israel, ataa mbeni oko pepe na popo ti aturugu saki baleosio.

Awafango-ngbanga 5:8 ပူးပေါင်းရင်းမြစ်များ

Jérémie 19:4

Biani, azo ti Juda ado mbi, azia awe; ala buba ndo so kue awe, zo alingbi ti hinga ni mbeni pepe: na ndo ni so, ala zö dukani na ambeni nzapa nde. Ataa ala wani, ataa akotara ti ala, ataa agbia ti Juda ahinga anzapa ni so kozoni pepe. Ala sara si ndo ni asi singo na mene ti azo so tënë ayeke na li ti ala pepe.

Awafango-ngbanga 2:12

Ala do KOTA GBIA, Nzapa ti akotara ti ala azia, lo so lo sara si ala sigigi na kodro ti Ezipte so. Ala gue, avoro ambeni nzapa nde so ayeke anzapa ti azo so alango nduru na ala. Ala kuku na gbe ti anzapa ni si ala zia ngonzo na be ti KOTA GBIA.

Awafango-ngbanga 2:17

Me azo ti Israel ama yanga ti awafango-ngbanga ti ala ni pepe. Biani, ala kuku akpo li ti ala na gbe ti anzapa nde. Gi hio tongaso, ala zia lege so akotara ti ala atambula ando daa; ambeni kotara ti ala ayeke azo so abata ndia ti KOTA GBIA; sarango ye ti ala akpa ti akotara ti ala ni pepe.

Awafango-ngbanga 4:3

Yabin ayeke na apusu ti bira ngbangbo gumbaya so a sara na wen; lo sara sana na azo ti Israel na ya ti ngu baleuse. Tongaso azo ti Israel adekongo na KOTA GBIA titene lo mu maboko na ala.

Awafango-ngbanga 5:11

Na tere ti adu ti ngu, ala ma go ti azo ti kangbingo ngu. Kâ, ala yeke he bia ti gonda na Nzapa, ngbanga ti anzoni ye so lo sara na amakonzi ti Israel. Tongaso, azo ti KOTA GBIA azu na yanga ti gbata.

Awafango-ngbanga 5:7

Amakonzi ayeke daa mbeni pepe, makonzi oko ayeke daa pepe na kodro ti Israel ngbii asi na ngoi so, mbi Debora, mbi londo na nduzu, ngbii asi na ngoi so mbi ga tongana mama ti azo ti Israel.