Awafango-ngbanga 5:5 - Mbeti ti Nzapa - Tënë so amu fini

⁵ Ahoto ayingi na dawa ti mo, KOTA GBIA ti Sinai. Ala yingi na dawa ti mo, Nzapa ti Israel.

Awafango-ngbanga 5:5 ပူးပေါင်းရင်းမြစ်များ

Sigingo 19:18

Guru ti wâ amu ndö ti hoto ti Sinai kue, ngbanga ti so KOTA GBIA azu na ndö ti hoto ni na ya ti wâ. Guru ni alondo tongana guru ti wâ ti mbeni fur; hoto ni kue ado ngangu mingi.

Abia (Psaumes) 97:5

Tongana ti so puru ti wotoro ayeke ga ngu na le ti wâ, ahoto aga ngu na le ti KOTA GBIA, na le ti Kota Gbia so ayeke na ndö ti sese kue.

Nahum 1:5

Akota hoto ayeke yingi na dawa ti lo si akete hoto aga tongana ngu. Na dawa ti lo, sese ayingi si dunia na azo ni kue ado.

Ahebro 12:18

Lani so ala ga nduru na Nzapa, ala ga nduru pepe na tere ti hoto so zo alingbi ti ndu ni na maboko, so ti tene hoto ti Sinai: na ndö ti hoto ni, wâ so ayeke gbi, ndo so avuko pitipiti, kota pupu so aya ngangu ayeke daa.

Habakuk 3:10

Akota hoto abaa mo, ala yeke do na mbeto; kota ngu-Nzapa apika, amu ndo kue; kota ngu-ingo atoto, lo tuku *amapo ti lo kâ na nduzu.

Abia (Psaumes) 68:8

Nzapa, lani mo hon na dawa ti azo ti mo, lani mo tambula ti gue na benyama. Luti kete

Abia (Psaumes) 114:4

Akota hoto ahuru tongana akoli-taba si akete hoto ahuru tongana akete taba.

Sigingo 20:18

Azo ti Israel kue ama sungbango ti bekpa na toto ti adidi ti koli-taba. Ala kue abaa wâ ti bekpa na guru ti wâ so ayeke sigigi na li ti hoto; tere ti ala kue ado na mbeto si ala luti yongoro.

Abia (Psaumes) 104:32

Lo baa sese si sese ado; lo ndu ahoto, guru ti wâ asigigi daa.

Abia (Psaumes) 68:9

Na ngoi ni so, sese ayingi, ngu ti nduzu atuku na dawa ti mo Nzapa, Nzapa ti Sinai, na dawa ti mo Nzapa, Nzapa ti Israel.

Ésaïe 63:19

Ngbene ye aninga awe, e yeke tongana azo so mo kiri mo le-gbia na ndö ti ala pepe, e yeke tongana azo so iri ti mo ayeke na ndö ti ala mbeni pepe. Tongana mo suru fade le ti nduzu si mo zu, ka ahoto ayingi na dawa ti mo,