Awafango-ngbanga 5:4 - Mbeti ti Nzapa - Tënë so amu fini

⁴ KOTA GBIA, so mo londo na kodro ti Edom, so mo ye ti zu na hoto ti Seir, sese ayingi, ngu alondo na ya ti ambinda atuku na sese, ngu-Nzapa alondo na yayu apika mingi.

Awafango-ngbanga 5:4 ပူးပေါင်းရင်းမြစ်များ

Tongo nda ti aye 32:4

Jacob atokua azo kozo ti lo na ita ti lo Ezau so lo yeke na sese ti ahoto ti Seir, na sese ti Edom.

2 Samuel 22:8

Tongaso sese ayingi si ado; gere ti yayu ado kirikiri si ayingi na ndembe so KOTA GBIA asara ngonzo.

Mbeti ti Job 9:6

Lo yeke sara si gunda ti sese ayingi, agere ti sese ni ayeke do dongo.

Abia (Psaumes) 68:9

Na ngoi ni so, sese ayingi, ngu ti nduzu atuku na dawa ti mo Nzapa, Nzapa ti Sinai, na dawa ti mo Nzapa, Nzapa ti Israel.

Abia (Psaumes) 77:17

O Nzapa, angu abaa mo awe, so angu abaa mo awe, mbeto agbu ala, ngu so ali mingi ayingi nga.

Abia (Psaumes) 77:18

Mbinda atuku gba ti ngu. Na le ti nduzu, bekpa atoto si ale ti kokora ti mo ahon na ndo kue.

Ésaïe 63:19

Ngbene ye aninga awe, e yeke tongana azo so mo kiri mo le-gbia na ndö ti ala pepe, e yeke tongana azo so iri ti mo ayeke na ndö ti ala mbeni pepe. Tongana mo suru fade le ti nduzu si mo zu, ka ahoto ayingi na dawa ti mo,

Mishe 1:4

Ahoto aga tongana potopoto na gbe ti gere ti lo, apopo-hoto ayeke suru si aga tongana puru ti wotoro na le ti wâ, wala tongana ngu so atuku na ndö ti hoto si ayeke zu na gbeni.

Ndia ti fani use ni 33:2

Lo tene: “*KOTA GBIA alondo na hoto ti Sinai si aga. Tongana ti so lâ ayeke sigigi, lo sigigi ndali ti azo ti lo na sese ti Seir kâ. So lo ngba kâ na hoto ti Paran, lo su na ndö ti azo ti lo. *A-ange gbani gbani amu peko ti lo si lo na ala aga; lo gbu na ya ti maboko ti lo ti koli ndia so ayeke za tongana menga ti wâ.

Ahebro 12:26

Ando, go ti Nzapa ayingi sese kue; me fadeso, lo mu zendo so na e, lo tene: “Fade mbi yeke kiri ti yingi gi sese pepe, me mbi yeke yingi yayu nga.”