Awafango-ngbanga 4:9 - Mbeti ti Nzapa - Tënë so amu fini

⁹ Debora atene: “Fade mbi na mo, e yeke gue. Me ayeke nzoni mo hinga, mo tene, mo yeke wara gonda ndali ti bira so pepe, ngbanga ti so KOTA GBIA ayeke zia ande Sisra na maboko ti senge wali.” Debora alondo si ague na Kedesh, lo na Barak.

Awafango-ngbanga 4:9 ပူးပေါင်းရင်းမြစ်များ

2 Mbai 26:18

Ala luti na dawa ti gbia Ozias si ala tene na lo: “Gbia Ozias, kua ti zongo dukani na KOTA GBIA ayeke kua ti mo pepe; me kua ni ayeke ti awayango-sandaga so ala yeke *ahale ti Aaron, ala so a zia ala nde ndali ni. Mo sigigi na ya ti da so ayeke nde si ayeke nzoni kue so! Biani, mo sara ye so ayeke sioni mingi. Ye so mo sara so, mo yeke wara gonda ndali ni pepe na dawa ti KOTA GBIA Nzapa.”

Awafango-ngbanga 2:14

KOTA GBIA asara ngonzo na tere ti azo ti Israel. Lo zia ala na maboko ti azo ti gbungo ye ti azo si azo ni agbu aye ti ala kue. Lo ka ala na awato ti ala so alango nduru na ala; ala lingbi ti gbu le ni na awato ti ala mbeni pepe.

Awafango-ngbanga 4:8

Barak akiri tënë na Debora, atene: “Tongana mbi na mo, e gue, fade mbi yeke gue, me tongana mo gue na mbi pepe, fade mbi nga, mbi yeke gue pepe.”

Awafango-ngbanga 9:53

Me mbeni wali amu ngbongboro têne ti nikango na ye, lo bo na li ti Abimelek si bio ni asuru.

Awafango-ngbanga 9:54

Abimelek airi zo ti yongo aye ti bira ti lo hio, lo tene na lo: “Sigigi na yongoro zeme ti mo, mo fâ mbi, tongaso si azo ahe mbi pepe, atene: wali laa afâ lo!” Nilaa maseka-koli ni amu zeme ti lo, ayoro na ya ti Abimelek si Abimelek akui.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.