Awafango-ngbanga 4:6 - Mbeti ti Nzapa - Tënë so amu fini

⁶ Mbeni lâ, Debora atokua ti iri Barak, molenge ti Abinoam. Barak ayeke na kodro ti Kedesh na sese ti Neftali. Debora atene na lo: “KOTA GBIA, Nzapa ti Israel amu yanga atene, mo londo, mo gue, mo mu akoli saki baleoko na popo ti azo ti mara ti Neftali na ti Zabulon, mo gue na ala na ndö ti hoto ti Tabor.

Awafango-ngbanga 4:6 ပူးပေါင်းရင်းမြစ်များ

Abia (Psaumes) 7:6

Tongana mbi sara aye tongaso, ayeke nzoni wato ti mbi atumba peko ti mbi, lo gbu mbi, lo bi mbi na sese, lo do ya ti mbi si lo sara mbi taa potopoto! Luti kete

Abia (Psaumes) 89:12

Yayu ayeke ti mo, sese ayeke nga ti mo! Dunia na aye so kue ayeke na ya ni, mo laa mo sara ni.

Abia (Psaumes) 89:13

Banga na Mbongo, mo laa mo sara si abaa gigi; hoto ti Tabor na ti Hermon ayeke pika sako na iri ti mo.

Jérémie 46:18

Fini ti mbi! So tënë ti yanga ti Gbia, lo so iri ti lo ayeke ‘KOTA GBIA so ayeke na ndö ti dunia kue’: fade wato ayeke ga; lo yeke ga biani tongana ti so Tabor aluti nganganga na popo ti ahoto, tongana ti so Karmel ayeke na ndö ti kota ngu-ingo!

Osée 5:1

*KOTA GBIA atene: “Ala awayango-sandaga, ala ma tënë so, ala azo ti Israel, ala duti kpoo, ala ma tënë so, ala asewa ti gbia, ala dingi mê ti ala, ala ma tënë so: ala laa alingbi fade ti fâ ngbanga mbirimbiri, me kâ na Mispa, ala ga tongana kuku, ala ga tongana gbanda so a zia na ndö ti hoto ti Tabor;

Awatokua 13:47

Biani, Kota Gbia amu yanga na e, atene: ‘Mbi sara si mo ga lumiere ti amara kue, tongaso si mo gue, mo fa na azo ti dunia kue tënë so alingbi ti sara si ala soo kuâ.’ ”

Ahebro 11:32

Tënë ti nyen laa mbi yeke kiri ti tene? Ngoi atia mbi ti tene tënë kue na ndö ti azo tongana Gédéon, Barak, Samson, Yefte, David, Samuel na awayanga-Nzapa.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 19:22

Katikati ni ahon na tere ti Tabor, Shasaim, na Bet-Shemesh si asi na ngu ti Jourdain, so ti tene agbata baleoko na omene na akete kodro so ayeke na tere ni.

Josué 19:32

Ti omene ni, a bi ye ni si afa sese so alingbi ti mu na azo ti mara ti Neftali alingbi na akete mara ti ala.

Josué 19:35

Agbata so ngangu gbagba ayeke na tere ni ayeke so: Sidim, Ser, Hamat, Rakat, Kineret,

Josué 19:37

Kedesh, Edrei, En-Hasor,

Josué 21:32

Na sese ti azo ti mara ti Neftali, a mu na ala agbata ota na ando ti tengo pere ndali ti anyama ti ala. Agbata ni ayeke so: Kedesh, gbata so azo so afâ zo na mbana pepe ayeke kpe daa ti bata tere ti ala, na sese ti Galile, nga na gbata ti Hamot-Dor na Kartan.

Awafango-ngbanga 4:10

Barak airi azo ti mara ti Zabulon na ti Neftali ti bongbi na Kedesh. Akoli saki baleoko alondo si amu peko ti lo; Debora nga ague na lo.

Awafango-ngbanga 5:1

Na lango ni so, Debora na Barak, molenge ti Abinoam ahe bia so, ala tene:

Awafango-ngbanga 6:35

Lo tokua azo na sese ti Manase kue ti iri azo ti mara ni titene ala nga, ala ga na peko ti lo. Lo tokua nga ndo na azo ti mara ti Aser, ti Zabulon na ti Neftali; azo ni kue aga awara lo.

Awafango-ngbanga 8:18

Na pekoni, Gédéon ahunda Zeba na Salmuna, atene: “Akoli so ala fâ ala lani na hoto ti Tabor so ayeke tongana nyen?” Ala kiri tënë, atene: “Ala yeke tongana mo. Ala kue akpa gi amolenge ti gbia!”

1 Samuel 10:3

Tongana mo londo na ndo so, mo hon yongoro kete, fade mo yeke si na tere ti keke ti shene ti Tabor. Kâ, fade ambeni koli ota ayeke ga ti wara mo. Ala yeke gue na da ti Nzapa so ayeke na Betel. Mbeni oko ayo akete ngasa ota, use koli ni ayo mapa ota si ota koli ni ayo bozo ti poro so vin ayeke na ya ni.

1 Samuel 12:11

Tongaso KOTA GBIA atokua Gédéon, Bedan, Yefte na mbi Samuel ti zi ala na maboko ti awato so angoro ala. Tongaso si ala lingbi ti lango na ya ti kodro ni na siriri.