Awafango-ngbanga 4:3 - Mbeti ti Nzapa - Tënë so amu fini

³ Yabin ayeke na apusu ti bira ngbangbo gumbaya so a sara na wen; lo sara sana na azo ti Israel na ya ti ngu baleuse. Tongaso azo ti Israel adekongo na KOTA GBIA titene lo mu maboko na ala.

Awafango-ngbanga 4:3 ပူးပေါင်းရင်းမြစ်များ

Abia (Psaumes) 106:42

Awato ti ala asara ngangu na ala si ala ga buba na gbe ti awato ti ala ni.

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 78:34

Lakue tongana Nzapa ayeke fâ ambeni, atanga ni ayeke gi lo, ala yeke kiri na mbage ti lo;

Sigingo 2:23

Aninga mingi na pekoni, gbia ti Ezipte akui. Kua ti ngbaa ahon ngangu ti azo ti Israel, ala yeke dema si ala yeke toto; toto ti ala ni asi na Nzapa.

Ndia ti fani use ni 28:29

Taa na bekombite, fade ala yeke tatara ndo tatarango tongana ti so awaziba ayeke tatara ndo. Aye so kue ala yeke sara ayeke ga nzoni oko pepe; lakue, azo ayeke sara gi ngangu na ala, azo ni ayeke nzi aye ti ala; zo oko ti ga ti soo ala ayeke daa pepe.

Ndia ti fani use ni 28:33

Mbeni mara so ala, azo ti Israel, ala hinga lo pepe, ayeke te akobe ti ayaka ti ala nga na aye so ala wara na lege ti kua ti ala. A yeke sara ngangu na ala lakue si a yeke nika ala.

Josué 17:16

Ahale ti Joseph atene na lo: “Biani, sese ti ahoto ni alingbi na e pepe. Me azo ti Kanaan so kue ayeke duti na sese ti alando ayeke na apusu ti bira so a sara na wen; azo so ayeke na Bet-Shean na akete kete kodro so ayeke na tere ni nga na ala so ayeke na popo-hoto ti Yizreel, ala nga ayeke na apusu ti mbarata ti wen.”

Awafango-ngbanga 1:19

KOTA GBIA wani ayeke na azo ti Juda, lo sara si ala mu sese so ahoto ayeke daa. Me ala tumba azo so alango na lando ti gbeni so pepe, ngbanga ti so azo ni ayeke na apusu ti bira so a sara na wen.

Awafango-ngbanga 10:10

Azo ti Israel adekongo na mbage ti KOTA GBIA titene lo soo ala; ala tene: “E sara siokpari so ake mo, ngbanga ti so e zia mo, mo so mo yeke Nzapa ti e, ti voro anzapa Baal.”

Awafango-ngbanga 10:16

Na pekoni, azo ti Israel aga azi anzapa ti awande so ayeke na popo ti ala, ala kiri avoro KOTA GBIA. Tongaso, KOTA GBIA akanga be ti lo gbaa na ndö ti pasi so azo ti Israel ayeke baa.

Awafango-ngbanga 3:15

Ala dekongo na mbage ti KOTA GBIA, lo mu mbeni zo ti soo ala; zo ni ayeke Ehud, molenge ti Gera, zo ti mara ti Benjamin. Ehud ayeke sara kua gi na maboko ti lo ti wali. Azo ti Israel atokua lapo na maboko ti lo titene lo gue na ni na Eglon, gbia ti Moab.

Awafango-ngbanga 3:9

Ala dekongo na mbage ti KOTA GBIA, lo mu mbeni zo ti soo ala: Otniel, molenge ti Kenaz, ngambe ti Kaleb.

Awafango-ngbanga 4:13

Tongaso, Sisra alondo si lo bongbi apusu ti bira so a sara na wen, wungo ni ayeke ngbangbo gumbaya. Lo bongbi aturugu ti lo kue, ala londo na Harosheth-Goim si ala gue na tere ti kete ngu ti Kishon.

Awafango-ngbanga 4:4

Na ngoi ni so, Debora ayeke wayanga-Nzapa; lo yeke wali ti Lapidot; Debora ayeke nga wafango-ngbanga na kodro ti Israel.

Awafango-ngbanga 5:8

Azo asoro afini nzapa, tongaso bira ati na ya ti kodro ni. Me zo ayeke baa *vala wala likongo oko pepe na popo ti azo ti Israel, ataa mbeni oko pepe na popo ti aturugu saki baleosio.

Awafango-ngbanga 6:6

Sarango ye ti azo ti Madian abi azo ti Israel na ya ti kota yere; nilaa azo ti Israel adekongo na mbage ti KOTA GBIA titene lo mu maboko na ala.

1 Samuel 7:8

Ala tene na Samuel: “Mo zia e pepe; mo voro KOTA GBIA, Nzapa ti e titene lo soo e na maboko ti azo ti Filistii.”