Awafango-ngbanga 3:8 - Mbeti ti Nzapa - Tënë so amu fini

⁸ Tongaso, ngonzo ti KOTA GBIA alondo na tere ti ala tongana wâ; lo zia ala na gbe ti komandema ti Kushan-Rishataim, gbia ti Mezopotamii. Ala sara ngu miombe na gbe ti komandema ti lo.

Awafango-ngbanga 3:8 ပူးပေါင်းရင်းမြစ်များ

Tongo nda ti aye 24:10

Lo mu *azambala baleoko ti wa ti lo, na anzoni ye so kue wa ti lo ayeke na ni si lo gue. Lo mu lege ti gue na gbata ti Nahor, na sese ti Mezopotamii ti nduzu.

Abia (Psaumes) 106:41

Lo zia ala na maboko ti amara nde; azo ti kengo ala laa asara komandema na ndö ti ala.

Abia (Psaumes) 129:1

A yeke he bia so na ndembe ti guengo ni na Jérusalem. So mbi de molenge ngbii asi fadeso, azo asara ngangu na mbi fani mingi. Ayeke nzoni azo ti Israel akiri na ndö ti tënë ni, atene:

Abia (Psaumes) 44:12

Mo zia e na maboko ti ala tongana ataba ti fango ni; mo kangbi e kirikiri na popo ti amara nde.

Abia (Psaumes) 6:1

Bia ti David; bia so ayeke ndali ti makonzi-bia. A he ni na kundi ti akamba miombe.

Abia (Psaumes) 85:3

Mo zi sioni ti azo ti mo awe, mo zi siokpari ti ala kue na li ti ala awe. Luti kete

Sigingo 22:24

“Tongana ala sara boon ti nginza na zo ti mbi, zo ti mawa so ayeke na popo ti ala, alingbi ala sara ye na lo pepe tongana ambeni zo ti sarango boon so ahunda ye ahon ndoni so. Alingbi ala hunda na zo ti mbi ni ti zia mbeni nginza na ndö ni pepe.

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Habakuk 3:7

Mbi baa azo ti Kushan, tere ti ala ado na ya ti ada ti ala ti bongo; mbi baa azo ti Madian, ala sara mbeto na ya ti ada ti ala so ala sara na bongo.

Rome 7:14

E hinga so *Ndia ayeke ye ti Yingo; ti mbi, mbi yeke zo senge, a ka mbi tongana ngbaa na siokpari.

Ndia ti fani use ni 29:20

KOTA GBIA ayeke zia lo yamba na popo ti amara ti Israel kue titene a buba lo biani biani, alingbi na adengo ba ti mbuki so a su tënë ni na ya ti mbeti ti *Ndia so.

Ndia ti fani use ni 32:30

Wato oko senge alingbi ti tumba peko ti aturugu ti Israel saki oko? Awato use senge alingbi ti sara si azo ti Israel saki baleoko akpe? Biani, mbi KOTA GBIA so mbi yeke Kota Têne ti batango ala, mbi zia ala na maboko ti awato ti ala ni awe.

Awafango-ngbanga 2:14

KOTA GBIA asara ngonzo na tere ti azo ti Israel. Lo zia ala na maboko ti azo ti gbungo ye ti azo si azo ni agbu aye ti ala kue. Lo ka ala na awato ti ala so alango nduru na ala; ala lingbi ti gbu le ni na awato ti ala mbeni pepe.

Awafango-ngbanga 2:20

Ngonzo ti *KOTA GBIA alondo tongana wâ na tere ti azo ti Israel si lo tene: “So azo ti mara ni abuba lege ti *mbuki so mbi na akotara ti ala e sara si ala ke ti ma yanga ti mbi so,

Awafango-ngbanga 3:10

Yingo ti KOTA GBIA ayeke na ndö ti Otniel si lo ga wafango-ngbanga na ndö ti azo ti Israel. Lo gue na bira. KOTA GBIA azia Kushan-Rishataim, gbia ti Mezopotamii na maboko ti lo si lo hon ndö ti Kushan-Rishataim.

Awafango-ngbanga 3:7

Azo ti Israel asara ye so ayeke sioni na le ti *KOTA GBIA, ala girisa KOTA GBIA, Nzapa ti ala si ala voro anzapa *Baal na *Ashera.

Awafango-ngbanga 3:9

Ala dekongo na mbage ti KOTA GBIA, lo mu mbeni zo ti soo ala: Otniel, molenge ti Kenaz, ngambe ti Kaleb.

Awafango-ngbanga 4:9

Debora atene: “Fade mbi na mo, e yeke gue. Me ayeke nzoni mo hinga, mo tene, mo yeke wara gonda ndali ti bira so pepe, ngbanga ti so KOTA GBIA ayeke zia ande Sisra na maboko ti senge wali.” Debora alondo si ague na Kedesh, lo na Barak.

1 Samuel 12:9

Me be ti akotara ti ala agirisa na KOTA GBIA, Nzapa ti ala. Ndani laa KOTA GBIA azia ala na maboko ti Sisra, makonzi ti aturugu ti Hasor, na maboko ti azo ti Filistii nga na ti Moab so atiri bira na ala.