Awafango-ngbanga 3:7 - Mbeti ti Nzapa - Tënë so amu fini7 Azo ti Israel asara ye so ayeke sioni na le ti *KOTA GBIA, ala girisa KOTA GBIA, Nzapa ti ala si ala voro anzapa *Baal na *Ashera. အခန်းကိုကြည့်ပါ။ |
Awafango-ngbanga 3:7
28 ပူးပေါင်းရင်းမြစ်များ
Fadeso, mo tokua titene azo ti Israel kue abongbi na tere ti mbi na ndö ti hoto ti Karmel. Mo tokua nga titene awayanga ti nzapa Baal so wungo ti ala ayeke ngbangbo osio na baleoku aga; awayanga ti nzapa-wali *Ashera so wungo ti ala ayeke ngbangbo osio aga, ala so ayeke te kobe lani na ndö ti meza ti Yezabel, wali ti gbia so.”
Lo zi na ya ti kota da ti *KOTA GBIA keke so a leke si aluti na nduzu ndali ti nzapa-wali *Ashera; lo sigigi na ni na ya ti gbata ti Jérusalem si a gbi ni na popo-hoto ti Sedron; a gbi ni kue si aga mburu ti wâ. Na pekoni a mu mburu ti wâ ni, a tuku na ndo so adu ti kuâ ti asenge zo ti kodro ayeke daa.
Tënë ti sambela ti lo, lege so Nzapa azia ti sara ngonzo na tere ti lo, asiokpari ti lo nga na aye so lo sara ti ke Nzapa, a su tënë ni na ya ti mbeti ti Hozai. Na ya ti mbeti ni, a su nga iri ti ando so lo leke na ndö ti ahoto titene azo avoro anzapa nde daa, ando so lo leke akeke daa aluti na nduzu ndali ti nzapa-wali *Ashera nga na ayanda nde nde; lo sara aye ni so kozo titene lo sara tere ti lo kete.
Na ya ti ngu miombe so Yosias ale-gbia, so lo de maseka, lo to nda ti gi Nzapa ti kotara ti lo David. Na ngu baleoko na use ni, lo to nda ti sara si Juda na Jérusalem aga *nzoni: lo zi ando so azo aleke na ndö ti ahoto ti voro anzapa nde daa, akeke so a leke si aluti na nduzu ndali ti nzapa-wali *Ashera nga na ayanda so a leke na keke na ayanda so a kporo wen si a leke na ni.
Gi na bi ni so, *KOTA GBIA atene na Gédéon: “Mu koli-bagara ti babâ ti mo, so ti tene use koli-bagara ni so ngu ti lo ayeke mbarambara so. Gue mo kungbi na sese gbalaka so babâ ti mo ayeke mu *asandaga na *Baal so. Mo fâ nga keke so ayeke na tere ni si a leke aluti na nduzu ndali ti nzapa-wali *Ashera.
ကြော်ငြာတွေ