Awafango-ngbanga 3:3 - Mbeti ti Nzapa - Tënë so amu fini

³ Amara so angba na ya ti kodro ni ayeke so: agbia oku ti azo ti Filistii, azo ti Kanaan kue, azo ti Sidon nga na azo ti Hivi so ayeke lango na hoto ti Liban, ti londo na hoto ti Baal-Hermon ngbii asi na Lebo-Hamat.

Awafango-ngbanga 3:3 ပူးပေါင်းရင်းမြစ်များ

Tongo nda ti aye 49:13

Zabulon ayeke lango ande na yanga ti kota ngu-ingo, lo yeke luti na tere ti amangboko. Yanga ti kodro ti lo ayeke gue ngbii asi na Sidon.

2 Samuel 24:7

Ala gue, asi na Tir so ngangu gbagba ayeke na tere ni; ala si nga na ya ti agbata kue ti azo ti mara ti Hivi na ti Kanaan. Ala hunzi tambula ti ala ni na Bersheba, na Mbongo ti sese ti Juda.

1 Agbia 8:65

Na ngoi ni so, Salomon na azo ti Israel so kue ayeke na tere ti lo asara matanga ti Akpangba. Azo ni ayeke gbani, ala londo na ando nde nde laa aga: ti londo na sese ti Lebo-Hamat, na mbage ti Banga ngbii asi na ngu ti Ezipte, na mbage ti Mbongo. Ala sara matanga ni na dawa ti KOTA GBIA na ya ti lango mbarambara; na pekoni, ala kiri asara matanga ni na ya ti lango mbarambara, so ti tene kue lango baleoko na osio.

1 Agbia 9:20

Ambeni zo angba na ya ti kodro ni so ala yeke azo ti Israel pepe: azo ti mara ti Amori, ti Het, ti Perizi, ti Hivi na ti Yebus.

Ezekiel 47:20

Na mbage ti Do, yanga ti kota ngu-ingo ti Mediterane ayeke katikati ti ala laa, alondo na mbage ti Mbongo ague ngbii asi na Hamat na mbage ti Banga. So katikati ni na mbage ti Do laa.

Wungo ti azo 13:29

Azo ti mara ti Amalek alango na mbage ti Mbongo, azo ti mara ti Het, ti Yebus na ti Amori alango na ndö ti ahoto si azo ti mara ti Kanaan alango ti ala na tere ti kota ngu-ingo nga na tere ti ngu ti Jourdain.”

Wungo ti azo 34:8

Ti londo na hoto ti Hor, ala yeke hon na ni na mbage ti Lebo-Hamat nga na Sedad.

Ndia ti fani use ni 1:7

Fadeso, ala londo, ala gue na sese ti ahoto so azo ti mara ti Amori ayeke daa nga na asese so ayeke na tere ni, so azo ti Kanaan ayeke lango daa, so ti tene na lando ti Jourdain, na sese ti ahoto, na *Kodro-ti-gbeni, na sese ti Negev nga na sese so ayeke na tere ti kota ngu-ingo ti Mediterane. Ala gue nga ngbii, ala si na ahoto ti Liban nga na *bale ti Efrate.

Ndia ti fani use ni 3:9

– Azo ti Sidon adi iri ti hoto so Sirion, azo ti mara ti Amori adi iri ni Senir. –

Josué 11:19

Mbeni gbata oko so aleke tënë ti siriri na popo ti lo na azo ti Israel ayeke daa pepe, gi azo ti mara ti Hivi so ayeke na gbata ti Gabaon oko awe. Tanga ti agbata ni kue, azo ti Israel amu ni na lege ti bira.

Josué 11:3

Lo tokua nga na azo ti Kanaan so ayeke na To nga na ala so ayeke na Do ti Jourdain, azo ti mara ti Amori, ala ti mara ti Het, ti Perizi, ti Yebus so ayeke na sese ti ahoto, azo ti mara ti Hivi so ayeke na gbe ti hoto ti Hermon, na sese ti Mispa.

Josué 13:3

Azo abaa sese ni so tongana ti azo ti Kanaan; sese ni alondo na ngu ti Shihor so ayeke baa le na Ezipte, ague ngbii asi na katikati ti sese ti Ekron, na mbage ti Banga. Agbia oku ti azo ti Filistii ayeke kâ: gbia ti Gaza, ti Asdod, ti Askalon, ti Gat na ti Ekron; sese ti azo ti mara ti Avi ayeke nga kâ,

Josué 13:5

Mbeni sese so angba titene ala mu ni ayeke sese ti Gebal nga na hoto ti Liban, na mbage ti To, ti londo na Baal-Gad so ayeke na gbe ti hoto ti Hermon ngbii asi na Lebo-Hamat.

Josué 19:28

Abdon, Rehob, Hamon na Kana ngbii ti si na Sidon, kota gbata.

Josué 9:7

Azo ti Israel atene na azo ti mara ti Hivi so, atene: “E hinga pepe, kodro ti ala ayeke nduru na e ge! Tongana ayeke tongaso, fade e na ala e ga ambuki ni tongana nyen?”

Awafango-ngbanga 10:12

ti Sidon, ti Amalek na azo ti Maon asara ngangu na ala; ala azo ti Israel, ala dekongo na mbage ti mbi titene mbi mu maboko na ala. Mbi soo ala lani pepe?

Awafango-ngbanga 10:7

Ngonzo ti KOTA GBIA alondo tongana wâ na tere ti azo ti Israel, lo zia ala na maboko ti azo ti Filistii na ti azo ti Amon.

Awafango-ngbanga 14:4

Babâ na mama ti lo ahinga pepe atene, *KOTA GBIA laa ayeke pusu Samson ti sara ye so. Biani, lo yeke gi mbeni lege titene lo sara bira na azo ti Filistii. Na ngoi ni so, azo ti Filistii laa ayeke na ndö ti azo ti Israel.

Awafango-ngbanga 18:7

Akoli oku so alondo, ala gue, asi na gbata ti Laish. Ala baa so azo ti gbata ni ayeke na siriri, tongana ti so azo ti Sidon ayeke duti kpoo, mbeto ti mbeni ye oko ayeke sara ala pepe. Azo so ayeke nduru na ala agi tënë na ala pepe, mbeni zo ti sara ngangu na ala ayeke nga daa pepe. Azo ti Laish alango yongoro na tere ti azo ti Sidon, ala yeke ku ye na maboko ti mbeni zo pepe.

Awafango-ngbanga 3:2

Ye ni asi titene azo ti Israel so a du ala na peko si ala de ti hinga bira pepe so, alingbi ti manda lege ti sarango bira.

Awafango-ngbanga 4:2

Nilaa KOTA GBIA azia ala na maboko ti Yabin, gbia ti Kanaan; lo yeke lango na gbata ti Hasor. Makonzi ti aturugu ti lo ayeke Sisra; Sisra ayeke lango ti lo na Harosheth-Goim.

1 Samuel 13:5

Azo ti Filistii abongbi nga ti tiri bira na azo ti Israel. Ala yeke na apusu ti mbarata saki baleota, azo ti kpengo na ambarata saki omene nga na gba ti aturugu so wungo ti ala ayeke tongana wungo ti mbutu ti yanga ti ngu. Azo ni ague, asara bâbâ ti ala na Mikmas na tere ti Bet-Aven na mbage ti To.

1 Samuel 29:2

Agbia ti azo ti Filistii ayeke tambula na dawa ti aturugu ngbangbo oko wala saki oko, na molongo na molongo. David na azo ti lo ayeke tambula ti ala na peko, ala na gbia Akish.

1 Samuel 6:16

Gi nga na oko lango ni, agbia oku ti azo ti Filistii abaa ye ni so, ala kiri na Ekron.

1 Samuel 6:18

Ti aye so ala sara na lôro si akpa adeku, ala mu ni alingbi na wungo ti agbata ti agbia oku ti azo ti Filistii, agbata so a sara ngangu gbagba na tere ni nga na akete kodro so gbagba ayeke na tere ni pepe. Sese ti azo ti Filistii ague ngbii asi na kota têne so a zia sanduku ti mbuki ti KOTA GBIA na ndö ni, na yaka ti Josué, zo ti Bet-Shemesh. Têne ni angba ngbii asi laso.

1 Samuel 6:4

Azo ti Filistii ahunda ala, atene: “Nyen laa e lingbi ti mu na lo ndali ti sioni ti e so?” Awayango-sandaga na azo ti bango nda ti aye akiri tënë, atene: “Ala mu lôro, ala sara na ambeni ye so akpa aka ti sanzo oku, nga na adeku oku. Ala sara ni alingbi na wungo ti agbia ti azo ti Filistii, ngbanga ti so gi oko kpale so laa awara ala na amakonzi ti ala kue.