Awafango-ngbanga 3:2 - Mbeti ti Nzapa - Tënë so amu fini

² Ye ni asi titene azo ti Israel so a du ala na peko si ala de ti hinga bira pepe so, alingbi ti manda lege ti sarango bira.

Awafango-ngbanga 3:2 ပူးပေါင်းရင်းမြစ်များ

Tongo nda ti aye 2:17

Me le ti keke ti hingango nzoni na sioni so, mo te ni pepe, ngbanga ti so na lango so mo yeke te ni, mo yeke kui biani.”

Tongo nda ti aye 3:5

Me Nzapa ahinga atene, na lango so ala yeke te ni, fade le ti ala ayeke zi si ala yeke ga tongana Nzapa ti hinga ye so ayeke nzoni na ye so ayeke sioni.”

Tongo nda ti aye 3:7

Ala use kue, le ti ala azi si ala baa so tere ti ala ayeke senge. Ala mu akugbe ti fige, ala fu na kambusu si ala yu.

2 Mbai 12:8

Me fade azo ni ayeke duti na gbe ti Shishak si ala yeke hinga popo ti sarango kua na mbi na sarango kua na agbia ti sese.”

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

1 Timothée 6:12

Tiri nzoni bira ti mabe na legeni titene mo gbu fini so angba lakue lakue. Biani, Nzapa airi mo ando ti wara fini ni so si mo tene tënë ti mabe ni pendere na le ti azo mingi so.

2 Timothée 2:3

Mo nga, mo yeda ti baa pasi tongana kpengba turugu ti Jésus Christ.

2 Timothée 4:7

Mbi tiri nzoni bira na legeni, mbi si na nda ti lege ni awe, mbi bata lege ti mabe.

Awafango-ngbanga 3:1

*KOTA GBIA azia amara so ti ngba na ya ti kodro ni si na lege ti ala, lo tara be ti azo ti Israel, so ti tene ala so aduti ando pepe na ya ti bira so ayeke na Kanaan.

Awafango-ngbanga 3:3

Amara so angba na ya ti kodro ni ayeke so: agbia oku ti azo ti Filistii, azo ti Kanaan kue, azo ti Sidon nga na azo ti Hivi so ayeke lango na hoto ti Liban, ti londo na hoto ti Baal-Hermon ngbii asi na Lebo-Hamat.