Awafango-ngbanga 3:1 - Mbeti ti Nzapa - Tënë so amu fini

¹ *KOTA GBIA azia amara so ti ngba na ya ti kodro ni si na lege ti ala, lo tara be ti azo ti Israel, so ti tene ala so aduti ando pepe na ya ti bira so ayeke na Kanaan.

Awafango-ngbanga 3:1 ပူးပေါင်းရင်းမြစ်များ

1 Agbia 9:21

Azo ni so angba na ya ti kodro ni, ngbanga ti so azo ti Israel awara lege ti fâ ala kue pepe; Salomon amu ala ti sara angangu kua ti ngbaa. *Ahale ti ala angba ti sara akua ni ngbii asi laso.

2 Mbai 32:31

Me tongana amakonzi ti Babilone atokua azo na Ezekias titene ala hunda tënë ti ye ti dongo be so asi na ya ti kodro ti lo, Nzapa ado Ezekias azia lo ti tara be ti lo, tongaso si lo hinga ye so kue ayeke na be ti Ezekias.

Mbeti ti Job 23:10

Andaa lege so mbi hon daa, lo hinga ni nzoni. Tongana lo tara mbi, fade mbi yeke sigigi tarara tongana lôro.

Sigingo 15:25

Moïse adema tere ti lo na KOTA GBIA si KOTA GBIA afa na lo mbeni nduru keke. Moïse amu keke ni, lo bi na ya ti ngu ni si ngu ni aga nzoni. Na ndo so laa KOTA GBIA amu na azo ti Israel andia nga na lege ti sarango ye so lo fa. Na ndo so nga laa KOTA GBIA atara be ti ala.

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.

Jérémie 6:27

“Jérémie, mbi zia mo titene mo ga zo ti tarango azo ti mbi tongana ti so zo ti pikango ndao ayeke tara wen. Fade mo yeke tara sarango ye ti ala si mo hinga ni.”

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Jean 2:24

Me Jésus azia be ti lo na ndö ti ala pepe, ngbanga ti so lo hinga ala kue.

Ndia ti fani use ni 7:22

Fade KOTA GBIA ayeke tumba kete na kete amara ni so na dawa ti ala. Ala azo ti Israel, fade ala lingbi pepe ti fâ azo so kue ti hunzi ala gi hio tongaso, tongaso pepe, anyama ti ngonda ayeke wu mingi ti sara sioni na ala.

Ndia ti fani use ni 8:16

Gi na ya ti oko benyama ni, KOTA GBIA amu na ala *mane, kobe so akotara ti ala ahinga ni pepe. Lo sara tongaso titene aye ti ngangu asi na ala si lo tara be ti ala; na ndani, lo sara nzoni na ala.

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.

1 Pierre 4:12

A-ita ti mbi so mbi ye ala mingi, li ti ala akpe pepe na wâ ti pasi so ala yeke na ya ni so! Ala baa ni tongana mbeni fini ye pepe.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Awafango-ngbanga 1:1

Na peko ti kuâ ti Josué, azo ti Israel ahunda *KOTA GBIA, atene: “Mara wa laa na popo ti e ayeke gue kozo ti sara bira na azo ti Kanaan?”

Awafango-ngbanga 2:10

Na pekoni, azo so kue a du ala na ngoi ti Josué akui, ala mu peko ti ababâ ti ala. Ambeni zo so a du ala na peko, ala hinga KOTA GBIA pepe, ala hinga nga pepe aye so lo sara ndali ti azo ti Israel.

Awafango-ngbanga 2:23

Amara so KOTA GBIA azia ala lani na maboko ti Josué pepe, lo zia ala, ala ngba na ya ti kodro ni; lo tumba ala hio pepe.

Awafango-ngbanga 3:2

Ye ni asi titene azo ti Israel so a du ala na peko si ala de ti hinga bira pepe so, alingbi ti manda lege ti sarango bira.