Awafango-ngbanga 21:3 - Mbeti ti Nzapa - Tënë so amu fini
3 Ala tene: “KOTA GBIA, Nzapa ti Israel, ngbanga ti nyen laa ye tongaso asi na Israel? Ngbanga ti nyen laa mbeni mara oko ti Israel ayeke daa mbeni pepe so?”
Bia ti fango ye na zo. Bia ti Asaf. O Nzapa, mo ke e biani biani ngbanga ti nyen? E so mo yeke bata e tongana ataba ti mo so, mo sara ngonzo ti wâ na tere ti e ngbanga ti nyen?
KOTA GBIA, mo zia e, e tambula kirikiri yongoro na lege ti mo ngbanga ti nyen? Mo sara si be ti e akpengba si e ke ti kpe mbeto ti mo ngbanga ti nyen? Ndali ti e, azo ti kua ti mo, amara so aga azo ti mo, kiri, mo ga!
*KOTA GBIA, mo yeke mbirimbiri ahon ndoni, mbi lingbi ti dekite na mo pepe; me mbi ye ti hunda na mo tënë na ndö ti alege ti fango ngbanga ti mo: Ngbanga ti nyen si gigi ti azo ti sioni ayeke ga nzoni so? Ngbanga ti nyen si azo so ake tënë ti mo ayeke duti ti ala kpoo so?
Fade a yeke kiri tënë: “Ye ni asi, ngbanga ti so azo ni abuba lege ti *mbuki so KOTA GBIA, Nzapa ti akotara ti ala asara na ala na ndembe so KOTA GBIA asara si ala sigigi na sese ti Ezipte.
Lango oko na pekoni, so ndo angba kâ, azo ti Israel alondo, ala leke mbeni gbalaka na ndo ni so. Ala mu *sandaga so a yeke gbi ni kue na wâ nga na sandaga ti beoko.