Awafango-ngbanga 2:2 - Mbeti ti Nzapa - Tënë so amu fini

² Me mbi mu yanga na ala titene ala na azo ti kodro so aga ambuki pepe. Fade ala kungbi agbalaka ti azo ni kue na sese. Me ala ma yanga ti mbi pepe. Nyen laa ala sara so, nyen?

Awafango-ngbanga 2:2 ပူးပေါင်းရင်းမြစ်များ

Tongo nda ti aye 12:18

Faraon airi Abram si lo tene na lo: “Nyen laa mo sara na mbi tongaso? Ngbanga ti nyen si mo tene na mbi, mo tene, lo yeke wali ti mo pepe?

Tongo nda ti aye 4:10

Tongaso KOTA GBIA atene: “Nyen laa mo sara tongaso? Dekongo ti mene ti ita ti mo so mo tuku so, alondo na sese kâ, aga ngbii asi na mbi ge.

Sigingo 32:21

Na pekoni, Moïse ahunda Aaron, atene: “Azo so asara nyen na mo si mo yoro ala na ya ti kota siokpari tongaso?”

Jérémie 2:18

Fadeso, nyen laa ayeke gboto mo ti gue na mo na Ezipte titene mo nyon ngu ti Nil so nyen? Nyen laa anzere na mo na mungo lege ti gue na Asirii titene mo nyon ngu ti Efrate so nyen?

Jérémie 2:36

“Mo yeke sanze akode mingi, andaa mo laa mo yeke bi tere ti mo na sese! Me fade Ezipte ayeke zia kamene na le ti mo tongana ti so Asirii azia nga kamene na le ti mo so.

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Ndia ti fani use ni 7:16

Amara so kue KOTA GBIA ayeke zia ala na maboko ti ala, azo ti Israel, alingbi ala baa mawa ti ala pepe, ala fâ ala kue ahunzi ala. Ala voro anzapa ti amara ni so pepe. Tongaso pepe, fade anzapa ni ayeke ga kuku ti gbungo ala.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Josué 9:7

Azo ti Israel atene na azo ti mara ti Hivi so, atene: “E hinga pepe, kodro ti ala ayeke nduru na e ge! Tongana ayeke tongaso, fade e na ala e ga ambuki ni tongana nyen?”

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?

Awafango-ngbanga 2:20

Ngonzo ti *KOTA GBIA alondo tongana wâ na tere ti azo ti Israel si lo tene: “So azo ti mara ni abuba lege ti *mbuki so mbi na akotara ti ala e sara si ala ke ti ma yanga ti mbi so,

Awafango-ngbanga 6:10

Mbi tene na ala: Mbi yeke KOTA GBIA, Nzapa ti ala. Ayeke nzoni ala voro anzapa ti azo ti Amori pepe so ayeke lango na sese ti ala.’ Me ala ke ti ma yanga ti mbi.”

Awafango-ngbanga 6:8

KOTA GBIA atokua na ala mbeni wayanga-Nzapa; lo tene na ala: “Tënë so KOTA GBIA, Nzapa ti Israel atene ayeke so: ‘Mbi laa mbi sara si ala sigigi na sese ti Ezipte, mbi laa mbi zi ala na ndo so ala yeke lani angbaa daa.

Awafango-ngbanga 8:27

Gédéon amu lôro so, lo leke na mbeni yanda si lo zia na Ofra, gbata ti lo. Azo ti Israel kue ayeke gue ti voro yanda ni. Tongaso yanda ni aga kuku ti gbungo Gédéon na asewa ti lo.