Awafango-ngbanga 2:1 - Mbeti ti Nzapa - Tënë so amu fini

¹ *Ange ti *KOTA GBIA alondo na Gilgal asi na Bokim. Lo tene na azo ti Israel: “Mbi laa mbi sara si ala sigigi na kodro ti Ezipte si mbi gue na ala na kodro so mbi deba yanga ti mbi ti mu na akotara ti ala. Mbi tene, mbi yeke kiri ti buba pepe *mbuki so mbi na ala e sara.

Awafango-ngbanga 2:1 ပူးပေါင်းရင်းမြစ်များ

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 16:13

Agar airi KOTA GBIA na iri ti lo si avoro lo, KOTA GBIA so atene tënë na lo so. Agar atene: “Mo yeke Nzapa so mo yeke baa mbi.” Lo hunda fade tere ti lo, lo tene: “Ge laa mbi baa biani lo so abaa mbi so?”

Tongo nda ti aye 48:16

ayeke nzoni *ange so azi mbi na ya ti ye ti sioni asara tufa na ndö ti amolenge so. Ayeke nzoni iri ti mbi na ti ababâ ti mbi Abraham na Isaac angba ti wu ndali ti ala. Ayeke nzoni ala du amolenge mingi si ala wu mingi na ndö ti sese.”

Abia (Psaumes) 89:3

Biani, mbi tene: Nzoni be ti mo angba kpu na kpu, mo yeke bata tënë ti yanga ti mo tongana le ti nduzu so angba lakue.

Abia (Psaumes) 89:34

Me fade mbi yeke zi nzoni be ti mbi na mbage ti David pepe, mbi yeke bere tënë ti yanga ti mbi pepe.

Sigingo 14:14

KOTA GBIA laa ayeke tiri bira ndali ti ala. Ti ala, fade ala yeke duti gi kpoo.”

Sigingo 14:19

*Ange ti Nzapa so ayeke tambula na dawa ti azo ti Israel so akiri ague, aluti na peko ti ala. Ngbongboro mbinda so ayeke tambula na dawa ti ala so akiri ague, aluti na peko ti ala.

Sigingo 20:2

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa.

Sigingo 23:20

“Fade mbi yeke tokua mbeni *ange na dawa ti ala ti bata ala na lege; lo yeke sara si ala si na ndo so mbi leke ndali ti ala.

Sigingo 33:14

KOTA GBIA akiri tënë na Moïse, atene: “Mbi wani, mbi yeke gue na ala! Mo gi be ti mo pepe.”

Ésaïe 63:9

Na ya ti aye ti ngangu ti ala kue, lo soro mbeni zo wala mbeni watokua ti soo ala pepe, me lo wani laa lo soo ala. Na lege ti ndoye ti lo nga na lege nzoni be ti lo, lo zi ala; lo gbu ala si lo yo ala na ya ti angoi so kue ahon.

Jérémie 14:21

Ndali ti iri ti mo, mbata ti mo ti gbia so ayeke na gonda so, ayeke nzoni mo baa ni tongana buba ye pepe, mo ke ni pepe. Mo dabe ti mo na *mbuki so e na mo, e sara so, mo buba ya ni pepe!

Awayango-sandaga 26:42

fade mbi yeke dabe ti mbi na *mbuki so mbi sara na akotara ti ala: Jacob, Isaac na Abraham. Mbi yeke dabe ti mbi nga na zendo so mbi mu ndali ti kodro ti ala.

Awayango-sandaga 26:44

Me ataa so kue, tongana ala yeke na kodro ti awato ti ala, mbi yeke ke ala biani biani pepe, be ti mbi ayeke ke ala pepe, mbi yeke hunzi ala pepe, mbi yeke buba tënë ti ya ti mbuki na ala pepe. Biani, mbi laa mbi yeke KOTA GBIA, Nzapa ti ala.

Zakarii 11:10

Na pekoni, mbi mu keke ti mbi so iri ni Nzoni be si mbi fâ ya ni titene mbi buba ya ti *mbuki so mbi na azo kue, e sara.

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Wungo ti azo 14:34

Ala mu lani lango baleosio ti *bembe ndo na ya ti kodro ni; nilaa asioni ye so ala sara so, ala yeke baa pasi na peko ni na ya ti ngu baleosio; so ti tene ngu oko ndali ti lango oko, ngu oko ndali ti lango oko. Tongaso, ala yeke hinga atene, sarango ngangu li na mbi, ayeke sioni mingi.

Ndia ti fani use ni 1:8

Ala baa: mbi mu na ala sese so awe. Ala gue, amu ni titene aga ti ala, ngbanga ti so ayeke sese so mbi, KOTA GBIA, mbi deba yanga ti mbi ti mu na akotara ti ala Abraham, Isaac na Jacob nga na *ahale ti ala na peko ti ala!”

Ndia ti fani use ni 4:34

Mbeni nzapa nde atara laoko ti gue ti zi azo ti lo na gbe ti mbeni mara nde awe? Oko pepe, me KOTA GBIA Nzapa ti ala, azo ti Israel, ague, azi ala na sese ti Ezipte; ala wani abaa na le ti ala. Lo zi ala na lege ti ngangu ti maboko ti lo nga na lege ti maboko ti lo so lo yoro; na lege ti akota pasi, aye ti kpene na aye ti dongo be, akota ye ti ngangu nga na aye so ayeke zia mbeto na be ti zo.

Ndia ti fani use ni 7:9

Alingbi ala hinga atene, KOTA GBIA Nzapa ti ala laa ayeke Nzapa, taa Nzapa biani. Lo yeke bata tënë ti *mbuki ti lo si lo yeke sara nzoni be na azo so aye lo si ala yeke sara ye alingbi na atënë ti yanga ti lo, ngbii asi na molongo saki oko ti *ahale ti ala.

Josué 3:10

Na pekoni lo kiri lo tene: “Ye so ala yeke hinga atene, Nzapa so ayeke na fini ayeke na popo ti ala ayeke so: lo yeke tumba biani biani na dawa ti ala azo ti Kanaan, azo ti mara ti Het, ti Hivi, ti Perizi, ti Girgashi, ti Amori na azo ti mara ti Yebus.

Awafango-ngbanga 11:24

Sese so nzapa ti mo Kemosh amu na mo so, ayeke ti mo pepe? Ti e, sese so KOTA GBIA, Nzapa ti e amu na e awe so, ayeke ti e pepe?

Awafango-ngbanga 13:2

Mbeni koli ti mara ti Dan ayeke daa; lo yeke lango na Sora. Iri ti lo ayeke Manoa; wali ti lo adu pepe, lo yeke wali ti dungo ni pepe.

Awafango-ngbanga 13:3

Mbeni lâ, *ange ti KOTA GBIA asi na wali ni si atene na lo: “Mbi hinga, mo yeke na molenge pepe, ngbanga ti so mo yeke wali ti dungo ni pepe. Me fade mo yeke mu ngo si mo yeke du molenge-koli.

Awafango-ngbanga 2:5

Tongaso ala di iri ti ndo ni Bokim si ala mu *sandaga na KOTA GBIA na ndo ni so.

Awafango-ngbanga 6:8

KOTA GBIA atokua na ala mbeni wayanga-Nzapa; lo tene na ala: “Tënë so KOTA GBIA, Nzapa ti Israel atene ayeke so: ‘Mbi laa mbi sara si ala sigigi na sese ti Ezipte, mbi laa mbi zi ala na ndo so ala yeke lani angbaa daa.