Awafango-ngbanga 17:4 - Mbeti ti Nzapa - Tënë so amu fini

⁴ Me Mika akiri na nginza ni na mama ti lo; mama ti lo azi ale ti nginza ni ngbangbo use, lo mu na mbeni matawa. Matawa ni amu nginza ni, lo kporo ni si lo sara na mbeni yanda. A zia yanda ni na ya ti da ti Mika.

Awafango-ngbanga 17:4 ပူးပေါင်းရင်းမြစ်များ

Ésaïe 30:22

Anzapa ti mo so a leke na keke si a zia wen ti nginza na tere ni, ayanda ti mo so a kporo lôro si a zia na tere ni, fade mo yeke baa ni tongana ye so ayeke sioni. Mo yeke tuku ni tongana fungo ye si mo yeke tene: “Ala hon kâ!”

Ésaïe 44:13

Sarapande agboto kamba ti haka na nduru keke ti lo, lo suru lege ni na kree, lo de tere ti keke ni na zeme, lo kpaka tere ni na rabo titene aza. Lo sara si keke ni aga tongana zo, aga pendere limo so akpa zo si a zia ni ti duti na ya ti mbeni da.

Habakuk 2:18

Yanda so zo amu keke si aleke na ni, kua ti lo ayeke nyen? Wen so zo akporo na wâ si lo leke na limo ti yanda ni so, limo ni ayeke fa tënë ti mvene. Wakode-kua laa aleke aye ni so, ala yeke tene tënë pepe; lo zia be ti lo na ndö ti ayanda ni ngbanga ti nyen?

Ndia ti fani use ni 27:15

‘Deba aga na ndö ti zo so amu wen akporo ni si asara na mbeni nzapa nde wala na mbeni yanda si lo honde ni na mbeni ndo ti voro ni!. So ayeke ye so maboko ti zo asara. Tongaso, ayeke ye so ayeke sioni mingi na le ti *KOTA GBIA.’ Fade azo kue ayeke kiri tënë: ‘Amen!’

Awafango-ngbanga 17:3

Mika akiri na ale ti nginza saki oko na ngbangbo oko so na mama ti lo. Mama ti lo atene na lo: “Molenge ti mbi, mbi ye ti mu nginza so na iri ti mo na KOTA GBIA titene a leke na mbeni yanda so a kporo wen si a sara na ni. Fadeso, mbi kiri nginza ni na mo.”

Awafango-ngbanga 17:5

Andaa Mika ayeke fade na mbeni ndo ti vorongo nzapa na da ti lo. Lo leke mbeni yanda ti da na aye nde nde ti vorongo na nzapa. Na pekoni, lo mu mbeni molenge ti lo ti koli si lo zia lo wayango-sandaga ti lo.

Awafango-ngbanga 18:17

Akoli oku so ague lani ti bembe ndo na ya ti kodro ni, so ala li na ya ti da ni awe, ala mu ayanda ni, aye nde nde ti sambelango nzapa na yanda so a kporo wen ti nginza si a sara na ni. Wayango-sandaga ni aluti ti lo na yanga ti da ni, lo na azo ngbangbo omene so ayeke na aye ti bira na maboko ti ala.