Awafango-ngbanga 16:3 - Mbeti ti Nzapa - Tënë so amu fini

³ Me Samson alango ngbii asi na be ti bi. Na be ti bi ni, lo londo lo gbu akeke ti le ti yanga ti gbagba ni, na akadere ni use kue nga na angbongboro wen so a yeke kanga na yanga ti gbagba ni, lo gboto ni kue, lo zia na ndö ti go ti lo, lo gue na ni ngbii lo bi na li ti hoto so ayeke baa ndo na gbata ti Hebron.

Awafango-ngbanga 16:3 ပူးပေါင်းရင်းမြစ်များ

Abia (Psaumes) 107:16

Biani, lo kungbi ayanga ti da so a sara na bengba wen si lo fâ kota wen ti kangango na yanga ti da.

Mishe 2:13

Lo so lo yeke zi lege, lo yeke tambula na dawa ti ala; a zi ala awe, ala hon yanga ti gbagba ni awe si ala sigigi awe. KOTA GBIA so ayeke Gbia ti ala laa amu li ti tambula ti ala ni.”

Awatokua 2:24

Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo.

Awafango-ngbanga 16:2

Azo ti Gaza ama a tene, Samson asi na ndo so awe. Tongaso, azo ti Gaza angoro ndo ni so, ala hara lo na bi ni kue na yanga ti gbagba ti gbata ni. Ala duti gi kpoo, ala tene na be ti ala, atene: “E ku ngbii, tongana ndo ahan awe si e fâ lo.”

Awafango-ngbanga 16:4

Na pekoni, Samson aye mbeni wali so iri ti lo Dalila; lo yeke lango na popo-hoto ti Sorek.