Awafango-ngbanga 15:6 - Mbeti ti Nzapa - Tënë so amu fini

⁶ Azo ti Filistii ahunda ndo, atene: “Zo wa laa asara ye so, zo wa?” Azo akiri tënë na ala, atene: “Samson, kogara ti zo ti Timna so laa asara ye ni, ngbanga ti so kogara ti lo azi wali ti lo na maboko ti lo si lo mu wali ni na maseka-koli so aduti na tere ti Samson na ya ti matanga.” Tongaso, azo ti Filistii ague si ala gbi wali ni, lo na babâ ti lo.

Awafango-ngbanga 15:6 ပူးပေါင်းရင်းမြစ်များ

Amato 22:8

Zo so alu sioni ye, lengo ni so lo yeke ko ayeke kpale; ngangu so lo yeke sara na sioni na azo, fade ayeke hunzi.

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.

Awafango-ngbanga 12:1

Azo ti Efraim abongbi tere ti ala, ala gue, afâ ngu ti Jourdain, ala si na Safon. Ala tene na Yefte: “Ngbanga ti nyen laa mo gue, mo sara bira na azo ti Amon si mo iri e pepe titene e na mo, e gue pepe so? E yeke gbi mo na da ti mo kue.”

Awafango-ngbanga 14:15

Na lango mbarambara ni, ala tene na wali ti Samson: “Mo handa koli ti mo titene lo sigigi na e nda ti toli ni! Tongaso pepe, fade e yeke gbi mo na da ti babâ ti mo kue. Ala tisa e na matanga ni titene ala nzi aye ti e kue?”

Awafango-ngbanga 15:5

Na pekoni, lo zia wâ na atanda ni, lo zi anyama ni si ala gue na ya ti ayaka ti *ble ti azo ti Filistii. Wâ agbi ale ti ble so a fâ ni awe nga na ale ti ble so angba na ndö ti gere ni. Wâ agbi nga ayaka ti *vinye na ti keke ti olive.

Awafango-ngbanga 15:7

Samson atene na ala: “So ala sara ye tongaso so, mbi yeke zia lege ti ala pepe, ngbii mbi kiri peko ti sioni ti ala na ala si.”