Awafango-ngbanga 15:5 - Mbeti ti Nzapa - Tënë so amu fini

⁵ Na pekoni, lo zia wâ na atanda ni, lo zi anyama ni si ala gue na ya ti ayaka ti *ble ti azo ti Filistii. Wâ agbi ale ti ble so a fâ ni awe nga na ale ti ble so angba na ndö ti gere ni. Wâ agbi nga ayaka ti *vinye na ti keke ti olive.

Awafango-ngbanga 15:5 ပူးပေါင်းရင်းမြစ်များ

2 Samuel 14:30

Tongaso Absalom atene na azo ti kua ti lo: “Ala baa yaka ti *orze ti Yoab so ayeke na tere ti yaka ti mbi so. Ala gue, abi wâ daa!” Azo ti kua ni asara ye alingbi na yanga so lo mu.

Sigingo 22:6

“Tongana zo amu nginza, wala ambeni ye na mba ti lo titene lo bata si mbeni zo anzi aye ni na da ti mba ti lo ni, tongana a wara zo ti nzi ni, alingbi lo futa aye ni so lo nzi so fani use.

Sigingo 23:11

Me na ngu mbarambara ni, fade ala yeke zia yaka ni awu tere, ala de ni pepe. Tongaso si azo ti mawa so ayeke na popo ti ala alingbi ti wara mbeni ye ti te. Tanga ni so angba, fade anyama ti ngonda ayeke te ni. Fade ala yeke sara gi mara ti ye so na yaka ti *vinye ti ala nga na yaka ti olive ti ala.

Awafango-ngbanga 15:4

Samson ague, lo gbu ambo ti ngonda ngbangbo ota. Lo kanga ala use na use na mbage ti damba ti ala. Lo mu *tanda, lo zia na popo ti damba ti ala ni.

Awafango-ngbanga 15:6

Azo ti Filistii ahunda ndo, atene: “Zo wa laa asara ye so, zo wa?” Azo akiri tënë na ala, atene: “Samson, kogara ti zo ti Timna so laa asara ye ni, ngbanga ti so kogara ti lo azi wali ti lo na maboko ti lo si lo mu wali ni na maseka-koli so aduti na tere ti Samson na ya ti matanga.” Tongaso, azo ti Filistii ague si ala gbi wali ni, lo na babâ ti lo.