Awafango-ngbanga 12:3 - Mbeti ti Nzapa - Tënë so amu fini

³ So mbi baa mbi tene, ala ga ti soo mbi pepe, mbi ka tere ti mbi na kuâ, mbi gue, mbi sara bira na azo ti Amon si *KOTA GBIA azia ala na maboko ti mbi. Ngbanga ti nyen si ala ga fadeso ti tiri bira na mbi?”

Awafango-ngbanga 12:3 ပူးပေါင်းရင်းမြစ်များ

2 Mbai 13:12

Fadeso, Nzapa wani ayeke makonzi ti e; awayango-sandaga ti lo ayeke na e, ala yeke na li ti e, ala yeke na atatalita ti huru ni si e yeke dekongo ti bira na li ti ala, azo ti Israel. Ala tiri bira na KOTA GBIA, Nzapa ti akotara ti ala pepe, ngbanga ti so ala lingbi ti so benda pepe.”

Mbeti ti Job 13:14

Ye so kue aye ti si, mbi yeke ku ni kungo, mbi ye ti ka tere ti mbi na kuâ.

Abia (Psaumes) 119:109

Kuâ ayeke gi mbi mbage na mbage kue, me mbi girisa ndia ti mo pepe.

Rome 16:4

Angba kete ala wara kuâ ndali ti mbi na ndembe so ala ye ti soo mbi na kuâ. Gi mbi oko laa mbi yeke mu singila na ala pepe, me a-Eglize kue ti amara nde.

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.

Awafango-ngbanga 11:27

Ti mbi, mbi sara mbeni sioni ye na mo pepe; me mo laa mo sara sioni na mbi, ngbanga ti so mo ye ti sara bira na mbi. Ayeke nzoni KOTA GBIA, lo so lo yeke fâ ngbanga ti azo kue, afâ ngbanga na popo ti azo ti Israel na azo ti Amon laso.”

Awafango-ngbanga 12:2

Yefte akiri tënë na ala: “Mbi na azo ti mbi, e wara kota tënë na azo ti Amon. Mbi iri ala, azo ti Efraim, me ala soo mbi na maboko ti ala pepe.

Awafango-ngbanga 12:4

Tongaso Yefte abongbi azo ti Galaad kue si lo gue, lo tiri bira na azo ti Efraim. Azo ti Galaad aso benda na ndö ti azo ti Efraim. Andaa azo ti Efraim atene lani, atene: “Ala, azo ti Galaad, ala yeke azo so alondo na popo ti azo ti Efraim si ala kpe, ague, aduti na popo ti azo ti Manase.”

Awafango-ngbanga 9:17

Babâ ti mbi atiri ando bira ndali ti ala; lo ka tere ti lo na kuâ titene lo zi ala na maboko ti azo ti Madian.

1 Samuel 19:5

Lo ka yingo ti fâ Goliat, zo ti Filistii. Na lango ni so, *KOTA GBIA asara si azo ti Israel kue aso benda. Mo baa ye ni na le ti mo si tere ti mo anzere ndali ni. Mo ye ti tuku mene ti mbeni zo so asara sioni pepe ngbanga ti nyen? Mo ye ti fâ David senge senge ngbanga ti nyen?”

1 Samuel 28:21

Wali ni aga nduru na tere ti Saul si lo baa so mbeto ahon ndö ti Saul mingi. Lo tene na Saul: “Mbi zo ti kua ti mo, mbi ma yanga ti mo awe. Mbi ka yingo si mbi sara ye alingbi na tënë so mo tene na mbi.