Awafango-ngbanga 11:2 - Mbeti ti Nzapa - Tënë so amu fini

² Wali ti Galaad ti da adu amolenge-koli na lo. So amolenge ni akono awe, ala tumba Yefte; ala tene na lo: “Mo yeke wara mbeni ye na peko ti kuâ ti babâ ti e pepe, ngbanga ti so mo yeke molenge ti mbeni wali nde.”

Awafango-ngbanga 11:2 ပူးပေါင်းရင်းမြစ်များ

Tongo nda ti aye 12:10

Mbeni kota nzara ati na ya ti kodro ni. Abram ague na Ezipte ti duti kâ ndali ti mbeni ngoi, ngbanga ti so nzara ni ahon ndoni na ya ti kodro ni.

Tongo nda ti aye 21:10

Lo tene na Abraham: “Mo tumba ngbaa-wali so na molenge ti lo, ala hon si molenge ti ngbaa-wali so na molenge ti mbi, Isaac, akangbi ya ti aye ti mo na peko ti mo pepe.”

Amato 2:16

Tongaso, mo yeke kpe lege ti wali so ayeke ti mo pepe, wali wande so ayeke tene anzerengo tënë.

Amato 5:20

Molenge ti mbi, ngbanga ti nyen si nzara ti wali ti mbeni zo nde asara mo tongana ti so samba asara zo? Ngbanga ti nyen si mo gbu wali so ayeke ti mo pepe na kate ti mo?

Amato 5:3

Biani, wali ti mbeni zo nde, atënë ti yanga ti lo anzere tongana mafuta ti wotoro, atënë ti lo ni awoko zo ahon mafuta.

Galasii 4:30

Me tënë ti nyen laa Mbeti ti Nzapa atene? Mbeti ni atene: “Tumba wali so ayeke ngbaa so, lo na molenge ti lo kue! Biani, alingbi molenge ti wali so ayeke ngbaa so awara mosoro ti ya ti da legeoko pepe na molenge ti wali so ayeke ngbaa pepe so!”

Ndia ti fani use ni 23:2

Moïse atene: Koli so azi ale ti korobo ti lo wala so a fâ tere ti lo ti koli, a zi ni, alingbi lo li na ya ti bongbi ti azo ti *KOTA GBIA pepe.

Awafango-ngbanga 11:1

Yefte, zo ti sese ti Galaad, ayeke mbeni ngangu zo ti bira. Mama ti lo ayeke mbeni wali-ndumba. Iri ti babâ ti Yefte ayeke Galaad.

Awafango-ngbanga 11:3

Tongaso Yefte akpe yongoro na tere ti a-ita ti lo, lo gue, lo sara kodro na Tob. Ambeni godobe aga na tere ti lo, ala mu maboko na lo ti sara bira.