Awafango-ngbanga 10:4 - Mbeti ti Nzapa - Tënë so amu fini

⁴ Lo yeke na amolenge-koli baleota so ala kue ayeke tambula na ndö ti alele baleota. Ala yeke awa ti kodro baleota na sese ti Galaad. Azo adi iri ti akodro so Akete kodro ti Yair ngbii asi laso.

Awafango-ngbanga 10:4 ပူးပေါင်းရင်းမြစ်များ

2 Samuel 16:2

Gbia ahunda Siba, atene: “Nyen laa mo ye ti sara na ye so kue, nyen?” Siba akiri tënë, atene: “Alele so ayeke ti yo asewa ti gbia ti tambula na ala, mapa ni na ale ti keke ni ayeke kobe ti aturugu, vin ni ayeke titene azo so awoko na benyama anyon ni.”

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Wungo ti azo 32:41

Azo ti kete mara ti Yair, molenge ti Manase, ague, amu ti ala akete kodro ti azo ti Amori si ala di iri ti akete kodro ni “Akete kodro ti Yair”.

Ndia ti fani use ni 3:14

Yair, mbeni *hale ti Manase amu sese ti Argob so kue ayeke na sese ti Bashan ngbii asi na katikati ti sese ti azo ti mara ti Geshur na ti Maaka. Lo zia iri ti lo na ndö ti sese ti Argob ni, lo tene “akete kodro ti Yair”; iri ni angba ngbii asi laso. –

Awafango-ngbanga 10:3

Na peko ti Tola, zo so aga na peko ti lo ayeke Yair, zo ti mara ti Galaad; lo duti wafango-ngbanga ti azo ti Israel na ya ti ngu baleuse na use.

Awafango-ngbanga 10:5

Yair akui si a lu lo na Kamon.

Awafango-ngbanga 12:14

Abdon ayeke na amolenge-koli baleosio nga na atara baleota; ala yeke ko na ndö ti alele balembarambara. Abdon aduti wafango-ngbanga ngu miombe na Israel.

Awafango-ngbanga 5:10

Ala so ayeke ko na ndö ti avuru mama ti lele, ala so ayeke duti na ndö ti atapi nga na ala so ayeke tambula na ndö ti alege, ala gbu li ti ala si!