Awafango-ngbanga 1:4 - Mbeti ti Nzapa - Tënë so amu fini

⁴ Azo ti mara ti Juda na ti Siméon alondo na bira na tere ti azo ti Kanaan nga na azo ti Perizi. KOTA GBIA azia azo ni na maboko ti ala; ala fâ azo saki baleoko na gbata ti Bezek.

Awafango-ngbanga 1:4 ပူးပေါင်းရင်းမြစ်များ

1 Agbia 22:15

Mishe aga na dawa ti gbia si gbia ahunda lo, atene: “Mishe, alingbi e gue, e tiri bira na gbata ti Ramot, na sese ti Galaad wala e zia lege ni?” Mishe akiri tënë na lo, atene: “Mo gue senge! Fade mo yeke so benda! Fade KOTA GBIA ayeke zia ni na maboko ti gbia.”

1 Agbia 22:6

Tongaso gbia ti Israel abongbi awayanga-nzapa nduru na ngbangbo osio si lo hunda ala, lo tene: “Alingbi mbi gue, mbi tiri bira na Ramot, na sese ti Galaad wala mbi zia lege ni?” Ala kiri tënë na lo, atene: “Mo lingbi ti gue senge! Fade Kota Gbia ayeke zia gbata ni na maboko ti mo, gbia.”

Abia (Psaumes) 44:2

Nzapa, e ma na mê ti e wani, ababâ ti e atene na e tënë ti akota ye so mo sara ando na ngoi ti ala, na ngoi ti giriri.

Abia (Psaumes) 78:55

Lo tumba amara nde na dawa ti ala, lo haka sese ti amara ni si lo kangbi ni na azo ti lo titene aga ti ala, lo sara si amara ti Israel aduti na gbe ti ada ti bongo ti azo ni.

Ndia ti fani use ni 7:2

KOTA GBIA ayeke zia amara ni na gbe ti komandema ti ala, azo ti Israel, ala yeke hon ndö ti azo ni na bira si ala yeke fâ ala kue ti hunzi ala. Alingbi ala sara *mbuki na azo ti amara ni pepe, ala baa mawa ti ala pepe;

Ndia ti fani use ni 9:3

Alingbi ala hinga laso atene, *KOTA GBIA Nzapa ti ala wani laa ayeke tambula na dawa ti ala tongana wâ so ayeke gbi ndo kue. Fade lo yeke kinda azo ni na dawa ti ala si lo yeke nika ala. Ala azo ti Israel, ala yeke tumba azo ni si ala yeke fâ ala kue ti hunzi ala gi hio tongaso, alingbi na zendo so KOTA GBIA amu na ala.

Awafango-ngbanga 1:3

Azo ti mara ti Juda atene na a-ita ti ala azo ti mara ti Siméon: “Ala londo, e na ala e gue, e mu ndo so a mu na e ti ga ti e so, e yeke sara bira na azo ti Kanaan! Na pekoni, fade e na ala, e yeke gue ti mu sese ti ala.” Azo ti mara ti Siméon ayeda si ala na azo ti mara ti Juda ague.

Awafango-ngbanga 1:5

Na Bezek, ala wara gbia Adoni-Bezek, ala sara bira na lo si ala so benda na ndö ti azo ti Kanaan na ti Perizi.

Awafango-ngbanga 11:32

Yefte afâ katikati ti sese ti azo ti Amon ti sara bira na ala. KOTA GBIA azia ala na maboko ti lo.

Awafango-ngbanga 3:5

Lege so laa azo ti Israel angba ti lango na popo ti azo ti Kanaan, ti Het, ti Amori, ti Perizi, ti Hivi nga na azo ti Yebus.

1 Samuel 11:8

Saul adiko wungo ti ala na kodro ti Bezek. Wungo ti azo ti Israel ayeke saki ngbangbo ota; wungo ti azo ti Juda ayeke saki baleota.

1 Samuel 14:10

Me tongana ala tene: ‘Ala ga na mbage ti e!’, fade e yeke gue; so ti fa atene, KOTA GBIA azia ala na maboko ti e awe.”

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”