Awafango-ngbanga 1:3 - Mbeti ti Nzapa - Tënë so amu fini

³ Azo ti mara ti Juda atene na a-ita ti ala azo ti mara ti Siméon: “Ala londo, e na ala e gue, e mu ndo so a mu na e ti ga ti e so, e yeke sara bira na azo ti Kanaan! Na pekoni, fade e na ala, e yeke gue ti mu sese ti ala.” Azo ti mara ti Siméon ayeda si ala na azo ti mara ti Juda ague.

Awafango-ngbanga 1:3 ပူးပေါင်းရင်းမြစ်များ

Tongo nda ti aye 29:33

Lo kiri lo mu ngo si lo du mbeni molenge-koli; lo tene: “KOTA GBIA ahinga so koli ti mbi aye mbi pepe. Nilaa lo kiri lo mu na mbi molenge so.” Lo di iri ti lo Siméon.

2 Samuel 10:11

Yoab atene: “Tongana azo ti Sirii ahon ndö ti mbi, fade mo yeke ga ti mu maboko na mbi. Me tongana azo ti Amon laa ahon ndö ti mo, fade mbi yeke ga ti mu maboko na mo.

Josué 19:1

Ti use ni, a bi ye ni si afa sese so alingbi ti mu na azo ti mara ti Siméon alingbi na akete mara ti ala. Sese so a mu na ala titene aga ti ala, sese ti azo ti mara ti Juda angoro ni kue.

Aye so Nzapa afa 7:7

na popo ti azo ti mara ti Siméon, azo saki baleoko na use; na popo ti azo ti mara ti Lévi, azo saki baleoko na use; na popo ti azo ti mara ti Isakar, azo saki baleoko na use;

Awafango-ngbanga 1:17

Azo ti mara ti Juda na azo ti mara ti Siméon so ayeke a-ita ti ala, alondo si ala gue, atiri bira na azo ti Kanaan so ayeke lango na gbata ti Sefat; ala fâ azo ti gbata ni si ala buba gbata ni biani biani. Iri ti gbata ni fadeso ayeke Horma, so ti tene “Lo so a buba lo biani biani”.

Awafango-ngbanga 1:2

KOTA GBIA akiri tënë na ala: “Mara ti Juda laa ayeke gue; mbi zia kodro ni na maboko ti ala awe.”

Awafango-ngbanga 1:4

Azo ti mara ti Juda na ti Siméon alondo na bira na tere ti azo ti Kanaan nga na azo ti Perizi. KOTA GBIA azia azo ni na maboko ti ala; ala fâ azo saki baleoko na gbata ti Bezek.