Awafango-ngbanga 1:2 - Mbeti ti Nzapa - Tënë so amu fini

² KOTA GBIA akiri tënë na ala: “Mara ti Juda laa ayeke gue; mbi zia kodro ni na maboko ti ala awe.”

Awafango-ngbanga 1:2 ပူးပေါင်းရင်းမြစ်များ

Wungo ti azo 2:3

“Ala so ayeke sara bâbâ ti ala na mbage ti To, ndo so lâ ayeke londo daa, ayeke duti aturugu ti mara ti Juda na tere ti bendere ti ala. Makonzi ti aturugu ti ala ayeke Nashon, molenge ti Aminadab.

Wungo ti azo 7:12

Na kozo lango ni, zo so aga na amatabisi ti lo ayeke Nashon, molenge ti Aminadab, zo ti mara ti Juda.

Ahebro 7:14

Azo kue ahinga so, a du Kota Gbia ti e na ya ti mara ti Juda. Moïse atene tënë oko pepe na ndö ti mara ti Juda tongana lo tene tënë ti awayango-sandaga.

Josué 2:24

Ala tene na lo: “Taa-tënë, KOTA GBIA azia kodro ni kue na maboko ti e awe. Ataa azo ti kodro ni kue, ngangu ti ala ahunzi na dawa ti e.”

Aye so Nzapa afa 5:5

Me mbeni *kangba ni oko atene na mbi: “Toto pepe! Baa, bamara ti mara ti Juda so ayeke *hale ti David, lo so benda awe; lo lingbi ti zi anzoroko mbarambara ni nga ti zi ya ti mbeti ni.”

Awafango-ngbanga 1:3

Azo ti mara ti Juda atene na a-ita ti ala azo ti mara ti Siméon: “Ala londo, e na ala e gue, e mu ndo so a mu na e ti ga ti e so, e yeke sara bira na azo ti Kanaan! Na pekoni, fade e na ala, e yeke gue ti mu sese ti ala.” Azo ti mara ti Siméon ayeda si ala na azo ti mara ti Juda ague.

Awafango-ngbanga 20:18

Azo ti Israel ague na Betel ti hunda Nzapa: “Mara wa na popo ti e ayeke londo kozoni ti tiri na azo ti Benjamin?” KOTA GBIA akiri tënë na ala: “Mara ti Juda laa ayeke londo kozo!”

Awafango-ngbanga 20:28

Pinas, molenge ti Elazar, molenge ti Aaron laa ayeke bata sanduku ni. Azo ti Israel atene: “Fade e kiri e sara bira na azo ti Benjamin, a-ita ti e? Wala e zia lege ni?” KOTA GBIA akiri tënë na ala: “Ala gue senge, ngbanga ti so kekereke, mbi yeke zia azo ti Benjamin na maboko ti ala.”