Amos 9:7 - Mbeti ti Nzapa - Tënë so amu fini

⁷ So tënë ti yanga ti *KOTA GBIA laa: “Ala azo ti Israel, na le ti mbi, ala ne ahon azo ti Etiopii? Mbi mu ala na sese ti Ezipte, mbi sigigi na ala, mbi mu nga azo ti Filistii na ti Kaftor, mbi sigigi na ala si mbi mu nga azo ti Sirii na ti Kir, mbi sigigi na ala. Tënë ni ayeke tongaso pepe?”

Amos 9:7 ပူးပေါင်းရင်းမြစ်များ

2 Agbia 16:9

Gbia ti Asirii ayeda na tënë ti Ahaz. Gbia ti Asirii ague ti tiri bira na gbata ti Damas si lo mu gbata ni. Lo gbu azo ti gbata ni, lo gue na ala na gbata ti Kir si lo fâ Resin.

2 Mbai 14:12

Asa na aturugu ti lo atumba peko ti ala ngbii asi na Gerar. Aturugu ti Etiopii akui gbani gbani, mbeni zo oko ti ala angba na fini pepe, ngbanga ti so KOTA GBIA na aturugu ti lo anika ala. Azo ti Juda agbu gba ti aye na peko ti bira ague na ni.

2 Mbai 14:9

Asa ague ti wara lo si lo na aturugu ti lo aleke tere ti ala ti tiri bira na popo-hoto ti Sefata, nduru na Maresha.

Sigingo 12:51

Taa gi na lango ni so, KOTA GBIA azi azo ti Israel na kodro ti Ezipte asigigi na ala na lege ti molongo ti amara ti ala.

Ésaïe 20:4

Fade gbia ti Asirii ayeke gbu azo ti Ezipte ti gue na ala na kodro wande, lo yeke gbu azo ti Etiopii ti gue na ala na kodro ti lo: amaseka na ambakoro. Lo yeke gue na ala tere ti ala senge, gere ti ala senge, ngbonda ti ala senge. Fade ayeke duti ye ti kamene na azo ti Ezipte!

Ésaïe 22:6

Aturugu ti Elam ayo bozo ti akokora; ala yeke na ndö ti apusu ti mbarata nga na ndö ti ambarata. Aturugu ti Kir aleke *avala ti ala.

Ésaïe 43:3

Biani, mbi KOTA GBIA, mbi yeke Nzapa ti mo, Nzapa ti Israel so ayeke nde si ayeke nzoni kue, mbi yeke wasongo ala. Mbi mu Ezipte ti ga ye ti vongo na mo, mbi mu Etiopii na Seba ti sanze na mo.

Jérémie 13:23

Zo ti Etiopii alingbi ti gbian poro ti tere ti lo? Ze alingbi ti zi anzoroko ti tere ti lo? Ala so sarango sioni aga ye ti tere ti ala so, ala lingbi ti sara nzoni ye?

Jérémie 47:4

ngbanga ti so lango titene ye kue abuba na ndo ti azo ti Filistii alingbi awe, lango ti zi na gbata ti Tir na ti Sidon zo so angba na fini si alingbi ti mu maboko na ala. Biani, KOTA GBIA abuba ye kue na ndo ti azo ti Filistii, so ti tene azo ti zoa ti Kaftor so angba na fini.

Osée 12:13

Jacob akpe ague na sese ti Mezopotamii ti nduzu, Israel asara kua na mbeni koli titene lo wara wali. Ndali ti wali, lo ga zo ti batango anyama.

Amos 1:5

Fade mbi yeke sara si angbongboro wen ti yanga ti agbagba ti gbata ti Damas akungbi; mbi yeke mingo makonzi so ayeke na popo-hoto ti Aven, mbi yeke mingo lo so ayeke sara komandema na Bet-Eden. Tongaso fade a yeke gbu azo ti Sirii ti gue na ala na kodro ti Kir”; so tënë ti yanga KOTA GBIA laa.

Amos 2:10

Kozoni, mbi mu ala, azo ti Israel na kodro ti Ezipte mbi sigigi na ala, mbi fa lege na ala na ya ti benyama ngu baleosio titene ala gue, amu kodro ti mara ti Amori titene aga ti ala.

Ndia ti fani use ni 2:23

Ti azo ti mara ti Avi, ala lango ando na ya ti akete kodro ti sese ti Gaza. Me azo alondo na Kaftor aga, afâ ala kue ahunzi ala si aduti na ya ti akodro ni na plase ti ala. –