Amos 9:2 - Mbeti ti Nzapa - Tënë so amu fini

² Tongana ala kungbi yanga ti ndo ti akuâ ti li kâ, maboko ti mbi ayeke gbu ala ti sigigi na ala. Tongana ala gue ngbii asi na yayu kâ, mbi yeke sara si ala zu na sese.

Amos 9:2 ပူးပေါင်းရင်းမြစ်များ

Mbeti ti Job 20:6

Ataa zo ti sioni ayo ngbii li ti lo andu yayu, ataa li ti lo akpo mbinda,

Mbeti ti Job 22:13

Tongaso mo tene: “Nzapa alingbi ti hinga nyen? Lo lingbi ti fâ ngbanga ti e na peko ti ambinda so avuko vukongo so?

Mbeti ti Job 24:23

Andaa Nzapa azia lege na ala ti duti kpoo; me le ti lo ayeke na ndö ti sarango ye ti ala.

Mbeti ti Job 26:6

Ndo ti akuâ ayeke polele na le ti Nzapa; *kota du so alinda mingi so, mbeni ye ti honde ni na le ti lo ayeke daa pepe.

Mbeti ti Job 34:22

Ataa vukongo ndo, ataa ndo so avuko pitipiti alingbi ti honde azo ti sarango sioni na le ti lo pepe.

Ésaïe 2:19

Na ndembe so KOTA GBIA ayeke londo ti zia mbeto na be ti azo ti sese so, ala yeke li na ya ti adu ti têne nga na ya ti adu ti sese ti kpe ngonzo ti lo, ti kpe gonda ti lo so ayeke kota ahon ndoni.

Jérémie 49:16

Ando, mo yeke zia mbeto na be ti azo kue, mo baa tere ti mo kota mo hon azo kue, andaa mo handa tere ti mo wani. Mo so mo yeke lango na ya ti adu ti têne so, mo so ndo ti duti ti mo ayeke na li ti ahoto so, ataa mo sara da ti mo yongoro na nduzu ahon ti *ngoalo, mbi yeke gboto mo kâ ti bi mo na sese.” So tënë ti yanga ti KOTA GBIA laa.

Jérémie 51:53

Ataa Babilone ama na nduzu ngbii lo si na le ti nduzu, ataa lo honde tere ti lo na peko ti mbeni ngangu gbagba so zo alingbi ti si daa pepe, mbi yeke mu yanga na azo so kua ti ala ayeke ti bubango aye titene ala gue ngbii asi na tere ti lo kâ”; so tënë ti yanga ti KOTA GBIA laa.

Ezekiel 26:20

Fade mbi yeke sara titene mo zu na ndo ti akuâ, na mbage ti azo so akui ando awe so, ti duti na gbe ti sese kâ. Mo yeke ga tongana angbene kodro so ati awe, mo yeke duti na popo ti azo so ayeke na ya ti du ti kuâ. Tongaso si mbeni zo ayeke kiri ti lango na ndo ti mo pepe; mbi yeke sara titene sese ti azo so angba na fini aduti pendere.

Ezekiel 31:14

Tongaso, mbeni keke oko so ayeke na tere ti ngu alingbi ti yo na nduzu ngbii li ti lo asi na ya ti ambinda pepe si lo pika kate ti lo ndali ti yongo ti lo ni pepe. Biani, azo na akeke, ala kue ayeke kui kuingo si ala yeke gue na gbe ti sese legeoko tongana ala so ali na du ti kuâ.

Abdias 1:4

Ataa mo huru na nduzu tongana *ngoalo, ataa mo sara da ti mo kâ na popo ti atongoro, fade mbi yeke mu mo kâ ti bi mo na sese”; so tënë ti yanga ti KOTA GBIA laa.

Nzoni Tënë so Luc asu na mbeti 10:18

Jésus atene na ala: “Mbi baa Satan alondo na yayu ati tongana wâ ti bekpa.