Amos 9:11 - Mbeti ti Nzapa - Tënë so amu fini

¹¹ “Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Amos 9:11 ပူးပေါင်းရင်းမြစ်များ

Mbeti ti Job 1:10

Mo bata lo mbage na mbage kue, asewa ti lo nga na aye so kue lo yeke na ni. Mo sara tufa na ndö ti akua so lo yeke sara si anyama ti lo amu ya ti kodro kue.

Abia (Psaumes) 143:5

Mbi dabe ti mbi na alango ti giriri, mbi gbu li ti mbi na ndö ti aye so kue mo sara, be ti mbi ati na ndö ti aye so maboko ti mo asara.

Abia (Psaumes) 80:12

ambeni maboko ni ague ngbii asi na kota ngu-ingo ti Mediterane, akete kete keke so asigigi na tere ni ague ngbii asi na *bale ti Efrate.

Abia (Psaumes) 89:40

Mo buba ya ti mbuki so mo sara na zo ti kua ti mo so awe; kpoto ti lo ti gbia, mo bi ni na sese si aga *sioni.

Ésaïe 16:5

Tongaso, ndali ti nzoni be ti mo, fade mbata ti gbia ti *hale ti David ayeke kpengba. Lo yeke duti ti fâ ngbanga mbirimbiri, lo yeke sara ye na lege ti ndia, lo yeke nduru ti fâ ngbanga mbirimbiri.”

Ésaïe 5:5

Fadeso, mbi yeke fa na ala ye so mbi yeke sara na yaka ti vinye ti mbi ni: Mbi yeke zi gbagba so ayeke na tere ni si anyama aga ate akeke ti yaka ni kirikiri. Mbi yeke kungbi gbagba ni na sese si azo aga ado akeke ti vinye ni.

Ésaïe 58:12

Ndali ti mo, azo ayeke kiri ti leke ada so akungbi aninga awe; agere ti da so azo ado azia ngbene ye aninga, fade mo yeke kiri ti leke ada na ndö ni. Azo ayeke iri mo: “Zo ti kangango adu ti gbagba ti bira, zo ti lekengo alege ti gbata titene azo alango na ya ti gbata ni.”

Ésaïe 63:11

Tongaso, azo ti lo adabe ti ala na ngoi ti giriri, ngoi so Moïse ayeke ando na ala: “Lo so lo sara si azo ti lo so ayeke tongana ataba ti lo nga na amakonzi ti ala afâ kota ngu-ingo si ala sigigi so, lo yeke na ndo wa? Lo so ando lo zia yingo ti lo so ayeke nde si ayeke nzoni kue na popo ti azo ti lo so, lo yeke na ndo wa?

Ésaïe 65:9

Fade mbi yeke mu *ahale na azo ti Jacob, mara ti Juda. Ala yeke mu ahoto ti mbi ti ga ye ti ala; ala so mbi soro ala, ala yeke mu ni titene aga ye ti ala, azo ti kua ti mbi ayeke duti kâ.

Jérémie 18:9

Mbeni lâ, mbi tene tënë ti mbeni mara wala ti mbeni kodro-gbia, mbi tene: Fade a yeke leke ni na nduzu si a kiri a lu ni tongana keke.

Jérémie 30:9

me ala yeke sara na mbi, KOTA GBIA Nzapa ti ala. Ala yeke sara nga na mbeni hale ti David, gbia so mbi yeke zia lo na ndö ti ala.”

Jérémie 46:26

Mbi yeke zia ala na maboko ti azo so aye gi kuâ ti ala: Nabukodonosor, gbia ti Babilone, lo na aturugu ti lo. “Gbanda na pekoni, fade azo ayeke kiri ti lango na sese ti Ezipte tongana ti ando.” So tënë ti yanga ti KOTA GBIA laa.

Abia ti demango tere 5:21

KOTA GBIA, ayeke nzoni mo kiri na e na tere ti mo, fade e kiri, e ga nduru na mo. Mo kiri mo mu na e fini tongana ti so ando e yeke na ni so!

Ezekiel 17:24

Tongaso, fade akeke ti yaka kue ayeke hinga atene, mbi laa mbi yeke KOTA GBIA. Mbi yeke sara si akeke so ayo na nduzu mingi aga kete; mbi yeke sara si akete keke amai. Mbi yeke sara si afini keke ahole, mbi yeke sara si akongo asigigi na ndö ti aholengo keke. Mbi KOTA GBIA, mbi tene tënë awe, mbi yeke sara ye ni.”

Ezekiel 36:11

Mbi yeke sara titene azo na anyama awu mingi. Ala yeke du amolenge si ala yeke ga gbani gbani; mbi yeke sara titene ala kiri awu mingi ahon ti giriri, mbi yeke sara nzoni na ala ahon ti kozo. Tongaso, fade ala yeke hinga atene, mbi laa mbi yeke KOTA GBIA.

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Abdias 1:17

Me azo so akpe si angba na fini, fade ala ayeke honde tere ti ala na ndö ti hoto ti *Sion; hoto ni ayeke kiri ti ga ndo so ayeke nde si ayeke nzoni kue. Fade *ahale ti Jacob ayeke kiri ti mu sese ti ala na maboko ti azo so amu ni lani so.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Mishe 7:11

Lango titene a kiri ti leke gbagba ti tere ti gbata ti mo ayeke ga. Na lango ni so, fade azo ayeke kiri ti kono ya ti kodro ti mo.

Mishe 7:14

KOTA GBIA, na keke ti mo, mo fa lege na azo ti mo tongana ti so wabatango-taba ayeke fa lege na ataba ti lo. Azo ni aga ye ti mo awe. Fadeso ala yeke duti gi ala oko na ya ti ngonda, me anzoni sese so akeke ayeke sigigi daa pendere angoro tere ni kue. Gue na azo ti mo na nzoni sese ti Bashan na ti Galaad, tongana ti so mo sara ando.

Mishe 7:8

Mo, wato ti mbi, mo he mbi pepe. Tongana mbi ti, fade mbi yeke londo; tongana mbi duti na ya ti vukongo ndo, *KOTA GBIA ayeke lumiere ti mbi.

Zakarii 12:7

KOTA GBIA ayeke soo azo ti sewa ti Juda kozoni, tongaso si *ahale ti David nga na azo so alango na Jérusalem abaa tere ti ala kota ahon azo ti Juda pepe.

Zakarii 14:10

Ti londo na Geba ngbii asi na Rimon, na Mbongo ti Jérusalem, fade kodro ni kue ayeke ga lando. Jérusalem ayeke duti na ndo so ayeke na nduzu; gbata ni ayeke londo na yanga ti gbagba ti Benjamin ngbii asi na yanga ti gbagba so iri ni Ti-Ndangoro, ayeke gue ngbii asi na ngbene yanga ti gbagba ni; akiri ague ngbii asi na kota da ti Hananeel so ayo na nduzu, ngbii asi na ndo so a yeke pete vin ti gbia daa.

Zakarii 6:12

Na pekoni, mo tene na lo, mo tene: Tënë so KOTA GBIA so ayeke na ndö ti dunia kue atene ayeke so: Mbeni koli ayeke ge, iri ti lo ayeke: ‘Kete keke so asigigi’. Na ndo so kue lo yeke daa, akeke ayeke sigigi, fade lo yeke kiri ti leke kota da ti mbi.

Wungo ti azo 24:18

Fade lo yeke mu Seir na bira, kodro ti azo ti mara ti Edom so ayeke awato ti lo. Fade azo ti Israel ayeke hon ndö ti ala.