Amos 9:1 - Mbeti ti Nzapa - Tënë so amu fini

¹ Mbi baa Kota Gbia aluti na nduzu na ndö ti gbalaka, lo tene: “Alingbi ala kungbi ali ti akota yongoro gere ti kota da ti Nzapa si agere ti da ni ayingi. Ala fâ li ti da ni si da ni atuku na ndö ti azo kue. Azo so angba na fini, fade mbi yeke sara si ala kui kuâ ti yongoro zeme; zo oko alingbi ti kpe pepe, zo oko alingbi ti soo kuâ pepe.

Amos 9:1 ပူးပေါင်းရင်းမြစ်များ

2 Mbai 18:18

Mishe akiri atene: “Ala ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti, ambeni na mbage ti maboko ti lo ti koli, ambeni na mbage ti maboko ti lo ti wali.

Abia (Psaumes) 68:21

Ti e, Nzapa ayeke Nzapa so ayeke soo zo na kuâ, lo yeke Kota Gbia NZAPA so alingbi ti zi e na ya ti kuâ.

Abia (Psaumes) 68:22

Me Nzapa ayeke nika ya ti li ti awato ti lo; lo yeke suru ya ti bio ti li ti azo so kua ti li ti ala ayo mingi si ala ngba ti sara sioni so.

Ésaïe 30:16

Ala tene: “E ke awe! E yeke mu mbarata ti kpe ti hon.” Nzoni! Fade ala yeke kpe ti hon. Ala tene nga: “E yeke ko na ndö ti mbarata so ayeke mu loro mingi.” Nzoni! Me azo so ayeke tumba peko ti ala ayeke mu loro mingi!

Ésaïe 6:1

Na ngu so gbia Ozias akui, mbi baa Kota Gbia aduti na ndö ti mbata ti gbia so ayo na nduzu mingi. Yanga ti yongoro bongo ti lo asi ya ti kota da ti Nzapa kue.

Jérémie 11:11

“Ndani laa, tënë so KOTA GBIA atene ayeke so: ‘Fade mbi yeke sara si mbeni kota kpale aga na ndö ti ala; kota kpale so ala lingbi ti sigigi na ya ni pepe. Ala yeke dekongo ti iri mbi, me mbi yeke ma ala pepe.

Jérémie 42:16

bira so ala yeke sara mbeto ni so, fade ayeke wara ala kâ; nzara so ayeke sara si ala yeke gi be ti ala mingi so, fade ayeke tumba peko ti ala ti wara ala kâ; kâ laa ala yeke kui.

Jérémie 48:44

Zo so ayeke kpe na dawa ti kota mbeto, lo yeke ti na ya ti kota du; zo so ayeke londo na ya ti du ni ti sigigi, lo yeke ti na ya ti gbanda. Biani, mbi yeke sara si ye so aga na ndö ti Moab na ngu so mbi yeke ga na tere ti lo; so tënë ti yanga ti KOTA GBIA laa.

Ezekiel 1:28

Lumiere so angoro lo akpa *kongö so ayeke za na ya ti mbinda na lango so ngu-Nzapa aye ti pika; andaa ye ni akpa gonda ti KOTA GBIA. Na bango ni, mbi ti, mbi kpo li ti mbi na sese. Na pekoni, mbi ma mbeni go so ayeke tene tënë na mbi.

Ezekiel 10:4

Gonda ti *KOTA GBIA alondo na ndö ti asheruben ni si ayeke gue na mbage ti yanga ti kota da ni. Tongaso mbinda asi ya ti kota da ni kue si zango ti gonda ti KOTA GBIA asi ya ti gbagba ni kue.

Ezekiel 15:7

Mbi yeke be le na ala. Ala baa ti ala atene, ala sigigi na ya ti wâ awe, me fade wâ ayeke gbi ala kue. Tongaso, ala azo ti Jérusalem, fade ala yeke hinga atene, mbi laa mbi yeke KOTA GBIA, mbi so mbi be le na azo ni.

Ezekiel 9:2

Tongaso mbi baa akoli omene alondo na yanga ti kota da ti Nzapa si ayeke ga; yanga ti da so ayeke na mbage ti nduzu si ayeke baa le na mbage ti Banga so. Zo oko oko ayeke na ye ti bira ti bubango na ye na maboko ti lo. Na popo ti ala, mbeni koli ayeke daa so ayu bongo ti *len; lo yoro ye ti sungo na mbeti na gbe ti kamba ti ndö ti bongo ti lo. Akoli ni kue aga aluti na tere ti gbalaka so a sara ni na bengba wen.

Amos 3:14

Na lango so mbi yeke ga na tere ti azo ti Israel ndali ti asioni sarango ye ti ala, gi na lango so laa mbi yeke ga ti buba agbalaka so ayeke na Betel; fade a yeke kungbi adidi ti gbalaka ni si ala yeke ti na sese.

Amos 7:17

Ndani laa, tënë so KOTA GBIA atene ayeke so: ‘Fade wali ti mo ayeke sara ye ti ndumba na ya ti gbata ni; a yeke fâ amolenge ti mo ti koli na ti wali. A yeke haka sese ti mo ti kangbi ni na popo ti azo. Ti mo, mo yeke kui na kodro ti amara nde, a yeke gbu azo ti Israel kue kue kue ti gue na ala yongoro na tere ti kodro ti ala.’ ”

Amos 7:9

Ando so *ahale ti Isaac aleke na nduzu ti voro anzapa daa, fade a yeke buba ni kue; ando ti vorongo nzapa ti azo ti Israel, fade a yeke kungbi ni kue na sese, fade mbi yeke londo na bira na tere ti azo ti sewa ti gbia Yeroboam.

Habakuk 3:13

Mo ga ti soo azo ti mo, mo ga ti soo zo so mo zia lo gbia. Mo kinda makonzi ti asioni zo, mo hunzi nga azo ti lo kue. Luti kete

Sofonii 1:12

Na ngoi ni so, fade mbi yeke mu lamba ti gi ndo na ya ti gbata ti Jérusalem; mbi yeke ga na tere ti azo so ayeke duti senge senge na ndö ti mosoro ti ala so; ala yeke tene na be ti ala, atene: ‘KOTA GBIA alingbi ti sara mbeni ye oko pepe, ataa nzoni ye wala sioni ye!’

Sofonii 2:14

Gi anyama ti kodro na mara ti anyama nde nde laa ayeke lango na ya ni; andeke ti bi na abelu ayeke lango na go ti ada, toto ti andeke ayeke sigigi na le ti afenetere. Taa gi na yanga ti ada ni, gi aye so abuba awe, akeke ti sedre so a leke na ada ni angba senge.

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Jean 1:32

Jean afa na azo peko ti ye so lo baa si lo tene: “Mbi baa Yingo alondo na yayu tongana *mbipa azu si aduti na ndö ti lo.

Awatokua 26:13

Gbia, nduru na bekombite so mbi yeke na lege ti gue, mbeni lumiere alondo na nduzu si aza na tere ti mbi na amba ti mbi so e na ala e yeke tambula so. Lumiere ni aza ahon sungo ti lâ.

Josué 10:18

Josué atene: “Ala pusu akota têne akanga na yanga ti du ni; ala zia azo aluti ti bata du ni.

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,

Aye so Nzapa afa 8:3

Mbeni ange nde aga aluti nduru na tere ti gbalaka ni; lo gbu na maboko ti lo mbeni kete ta ti zongo na dukani so a sara na lôro. A mu na lo gba ti adukani titene lo bongbi ni na asambela ti azo ti Nzapa ti ya na *sandaga na Nzapa, na ndö ti gbalaka so a sara na lôro si ayeke na dawa ti mbata ti gbia so.