Amos 8:7 - Mbeti ti Nzapa - Tënë so amu fini

⁷ *KOTA GBIA adeba yanga ti lo ndali ti ye so Israel ayeke pika kate ti lo daa, lo tene: “Sarango ye ti azo ti Israel so, be ti mbi ayeke girisa na ni laoko pepe!”

Amos 8:7 ပူးပေါင်းရင်းမြစ်များ

Mbeti ti Job 24:23

Andaa Nzapa azia lege na ala ti duti kpoo; me le ti lo ayeke na ndö ti sarango ye ti ala.

Abia (Psaumes) 10:11

Lo tene na be ti lo: “Nzapa agirisa tënë ni awe; lo kanga le ti lo awe, lo baa ye laoko pepe.”

Abia (Psaumes) 47:4

Lo yeke zia azo na gbe ti e, lo yeke zia amara nde na gbe ti gere ti e.

Abia (Psaumes) 47:5

Lo soro na e kodro so aga ti e; e yeke gonda tere ti e ndali ni, e *ahale ti Jacob so Nzapa aye e mingi so. Luti kete

Abia (Psaumes) 68:34

Lo yeke hon na ndö ti yayu tongana zo ti kpengo na mbarata, yayu so ayeke ngbene ye giriri so. Baa, lo yeke dekongo, lo yeke dekongo ngangu.

Sigingo 17:16

Lo tene: “So azo ti mara ti Amalek aye ti bi mbata ti KOTA GBIA na sese so, fade KOTA GBIA ayeke sara bira na ala ngu na ngu.”

Ésaïe 22:14

Me *KOTA GBIA so ayeke na ndö ti dunia kue atene na mê ti mbi tënë so angba na hondengo, atene: “Mbi deba yanga ti mbi, mbi tene, sioni so ala sara so, a yeke zi tënë ni na li ti ala laoko pepe, ngbii ala kui.” Tënë so Kota Gbia, NZAPA so ayeke na ndö ti dunia kue atene laa.

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Jérémie 17:1

“Tongana ti so a yeke de mbeti na wen na tere ti têne, wala na diaman so li ni ayeke tongana ti pondi, a su siokpari ti azo ti Juda legeoko tongaso na ndö ti be ti ala nga na tere ti adidi ti agbalaka ti ala.

Jérémie 31:34

Zo oko na popo ti ala ayeke kiri ti fa ye na mba ti lo wala na ita ti lo pepe, atene: ‘Ala hinga KOTA GBIA!’ Biani, ti londo na kete zo asi na kota zo, fade ala kue ayeke hinga mbi; so tënë ti yanga ti KOTA GBIA laa. Mbi yeke zi sioni ti ala, mbi yeke kiri ti dabe ti mbi na siokpari ti ala pepe.”

Jérémie 44:21

“Na ya ti agbata ti Juda nga na ndö ti abalabala ti Jérusalem, ala mu ando asandaga so awe, ala na ababâ ti ala, agbia ti ala, akota zo ti ala na azo ti kodro ni kue; so mvene laa? Ala baa ti ala atene, KOTA GBIA ahinga tënë ni pepe? Be ti lo ati daa pepe?

Osée 7:2

Ala yeke tene na be ti ala pepe, atene: asioni ye so kue ala yeke sara so, mbi hinga ni pepe; fadeso asarango ye ti ala ni akanga ala mbage na mbage awe, aye ni kue ayeke na le ti mbi.

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Osée 9:9

Ala linda lindango na ya ti sarango sioni ye tongana ti so ala sara ando na Gibea. Me fade Nzapa ayeke dabe ti lo na sioni ti ala, lo yeke ga ti kiri peko ti sioni na ala ndali ti asiokpari ti ala.

Amos 4:2

*KOTA GBIA adeba yanga ti lo, atene: “Na iri ti mbi so ayeke nde si ayeke nzoni kue, baa alango ayeke ga so a yeke gboto ala na yango ti hon na ala, a yeke gboto ala oko oko kue ti hon na ala tongana susu so akpo lo na likongo.

Amos 6:8

*KOTA GBIA adeba yanga ti lo, atene: “Na iri ti mbi Nzapa, mbi ke na be ti mbi kue baba ti Jacob, be ti mbi ake apendere da ti lo. Fade mbi yeke zia gbata ti Samarii kue na maboko ti awato”; so tënë ti yanga ti KOTA GBIA, Nzapa so ayeke na ndö ti dunia kue laa.

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”