Amos 8:5 - Mbeti ti Nzapa - Tënë so amu fini

⁵ Ala yeke tene: “Lawa laa matanga ti fini nze ayeke hunzi si e lingbi ti ka kobe ti e so-oo? Lawa laa *lango ti wungo tere ayeke hunzi si e lingbi ti zi yanga ti ada ti kango ale ti kobe ti e so-oo? Fade e yeke pika ngbonda ti sembe ti hakango na ye, e yeke pusu ngere na nduzu, e yeke sanze kilo ti nzi azo na ni.

Amos 8:5 ပူးပေါင်းရင်းမြစ်များ

2 Agbia 4:23

Koli ti lo ahunda lo, atene: “Mo ye ti gue na ndo ti lo laso ngbanga ti nyen? So e yeke na lango ti fini nze wala *lango ti wungo tere pepe so.” Wali ni akiri tënë, atene: “Gi be ti mo pepe!”

Sigingo 31:13

“Mu yanga na azo ti Israel, mo tene: ‘Alingbi ala bata *alango ti wungo tere nzoni. Biani, lango ti wungo tere ayeke mbeni ye ti dango be na popo ti mbi na ala ngu na ngu. Ye ni ayeke dabe ti ala atene, mbi laa mbi yeke KOTA GBIA so ayeke sara titene ala ga nde si ala ga nzoni kue.

Amato 11:1

Kilo so ayeke na legeni pepe, be ti KOTA GBIA ake ni mingi; me be ti lo anzere ndali ti kilo so ayeke na legeni.

Amato 16:11

Kilo so ayeke mbirimbiri nga na sembe ni kue ayeke ti KOTA GBIA; lo laa lo yeke baa tënë ti akilo kue.

Amato 20:23

Kilo so ayeke na legeni pepe, be ti KOTA GBIA ake ni mingi; kilo so ayeke mbirimbiri pepe, ayeke nzoni pepe.

Ésaïe 1:13

Ala zia mbi na abuba sandaga ti ala ni; be ti mbi ake dukani ti ala mingi. Amatanga ti fini nze, amatanga ti wungo tere na abongbi nde nde, mbi ye ti kiri ti ma tënë ni na mê ti mbi pepe. Sarango amatanga na sarango siokpari, ala bongbi ni kue gi oko, mbi lingbi ti yeda na ni tongana nyen?

Ésaïe 58:13

*KOTA GBIA atene: “Tongana mo ke ti sara kua na *lango ti wungo tere, mo ke ti sara ye so mo lingbi ti baa nzoni na peko ni na lango so a zia nde ndali ti mbi; tongana mo iri lango ti wungo tere ‘Lango ti ngia’, mo iri *lango ti KOTA GBIA ‘Nengo lango’, tongana mo ne lango ni so, mo ke ti sara kua, mo ke ti sara ye so mo lingbi ti baa nzoni na peko ni, mo ke ti papa,

Osée 12:7

“Ti mo Jacob, alingbi mo kiri na mbi, Nzapa ti mo. Sara ye na lege ti nzoni be, sara ye na legeni; zia be ti mo lakue ti ku Nzapa ti mo.”

Osée 12:8

KOTA GBIA atene: “Efraim, mo yeke tongana azo ti Kanaan; mo gbu na maboko ti mo mbeni kilo ti handango na azo; mo ye sarango ye ti nzi.

Awayango-sandaga 19:36

Alingbi ala mu kilo so ayeke na legeni, sembe ni nga na aye ti hakango na ye so ayeke na legeni ti haka na ye na azo. Mbi laa mbi yeke KOTA GBIA, Nzapa ti ala so mbi mu ala na kodro ti Ezipte, mbi sigigi na ala.

Zakarii 5:6

Mbi hunda lo, mbi tene: “Ye ni aye ti fa nyen?” Lo kiri tënë: “Sakpa laa ayeke ga so.” Lo kiri lo tene: “Asioni ye ti kodro ni kue laa ayeke na ya ni so.”

Zakarii 5:8

Ange ni atene na mbi: “Wali so afa limo ti sioni ye.” Na pekoni, ange ni apusu wali ni na ya ti sakpa ni si abi yanga ni so a sara na nengo wen so daa.

Malashii 1:13

Ala yeke tene nga, atene: ‘Ae! So pasi ti nyen?’ Ala ne mbi pepe. Tënë so KOTA GBIA so ayeke na ndö ti dunia kue atene laa. Ala mu nyama so ala nzi nzingo, wala nyama so gere ti lo abuba, wala nyama so ayeke na kobela si ala mu na mbi na sandaga. Mara ti anyama tongaso laa alingbi ti nzere na be ti mbi? Tënë so KOTA GBIA atene laa.

Wungo ti azo 10:10

Na lango ti sarango amatanga ti ala nga na amatanga ti ala ti fini nze, ala yeke huru atatalita ni na ndembe so ala yeke mu *asandaga ti ala so ayeke gbi ni kue na wâ nga na asandaga ti beoko. Na lege ti ye so, fade mbi yeke dabe ti mbi na ala. Mbi laa mbi yeke KOTA GBIA Nzapa ti ala.”

Kolose 2:16

Tongaso, alingbi mbeni zo afâ ngbanga na li ti ala pepe ndali ti tënë ti kobe, wala ye ti nyongo ni, wala ndali ti alango ti Nzapa, wala amatanga ti fini nze wala *alango ti wungo tere.

1 Samuel 20:5

David akiri tënë na lo: “Kekereke ayeke matanga ti fini nze. Mbi lingbi fade ti duti na tere ti gbia ti te kobe. Zia na mbi lege titene mbi gue, mbi honde tere ti mbi na ya ti ngonda ngbii asi na lakui ti mbeni kekereke.