Amos 8:4 - Mbeti ti Nzapa - Tënë so amu fini

⁴ Ala ma tënë so nzoni si, ala so ayeke te aye ti azo ti mawa na mbana so. Ataa asenge zo ti kodro ni, ala ye titene ala ngba na ya ti kodro ni pepe.

Amos 8:4 ပူးပေါင်းရင်းမြစ်များ

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

Mbeti ti Job 24:4

Ala yeke tumba awayere na tere ti lege; ti azo ti mawa kue ti kodro, ye so angba na ala ayeke gi ti honde tere ti ala.

Abia (Psaumes) 10:7

Atënë ti yanga ti lo asi singo na tënë ti dengo ba, tënë ti mvene nga na tënë ti sarango ngangu na zo. Atënë ti yanga ti lo ayeke sara pasi na sioni na zo.

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Abia (Psaumes) 14:4

KOTA GBIA atene: “Azo so kue ayeke sara sioni so, ala hinga ye oko pepe? Ala yeke te azo ti mbi na mbana tongana ti so ala yeke te kobe ti ala, ala ke ti hunda ye na mbi.”

Abia (Psaumes) 140:12

Alingbi azo ti sioni yanga angba na sese so pepe; fade sioni ayeke tumba hio hio peko ti zo ti sarango ngangu na azo!

Abia (Psaumes) 56:1

Bia so ayeke ndali ti makonzi-bia. A he ni na go ti bia so iri ni: “Mbipa so akai kpoo yongoro kâ so.” Sambela ti ya ti be ti David. Lo he ni na ndembe so azo ti Filistii agbu lo na gbata ti Gat.

Amato 30:14

“Ambeni zo ayeke daa so pembe ti ala ayeke tongana yongoro zeme si abio ti ngbangba ti ala ayeke tongana zeme. Azo ni ayeke te azo ti mawa ti kodro ni si ala ye ti zi awayere na popo ti azo.”

Ésaïe 1:10

Ala amakonzi so akpa ala ti Sodome, ala ma tënë ti *KOTA GBIA si! Ala azo so akpa azo ti Gomore, ala dingi mê ti ala, ala ma tënë ti Nzapa ti e.

Ésaïe 28:14

Ala so ayeke he azo si ala yeke sara komandema na ndö ti azo ti Jérusalem so, ala ma tënë ti *KOTA GBIA si!

Jérémie 28:15

Wayanga-Nzapa Jérémie akiri atene na wayanga-Nzapa Hanania, atene: “Hanania, ma mbi si! KOTA GBIA atokua mo pepe; me mo laa mo pusu azo so ti zia be ti ala na ndö ti atënë ti mvene.

Jérémie 5:21

Ala ma tënë so, ala abuba zo so li ti ala ayeke daa pepe so. Ala yeke na le, me ala baa ndo pepe; ala yeke na mê, me ala ma ndo pepe.

Ezekiel 22:12

Na ndo ti mo, azo ayeke mu goro titene ala tuku mene. Ala sara boon ti nginza na amba ti ala si na pekoni, ala yeke hunda gba ti nginza na ndö ni; ala yeke te aye ti amba ti ala na ngangu. Ti mbi, be ti ala agirisa na mbi biani biani; so tënë ti yanga ti Kota Gbia NZAPA laa.

Ezekiel 45:10

“Alingbi kilo ti ala ayeke na legeni si ye ti hakango na ye ayeke nga na legeni.

Amos 5:11

Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Amos 5:12

Biani, mbi hinga gba ti asioni ye so ala sara na asiokpari ti ala so ahon ndoni so. Ala yeke sara ngangu na azo ti mbirimbiri, ala yeke mu goro na maboko ti azo. Na le ti ngbanga, ala yeke kanga lege titene a fâ ngbanga ti azo ti mawa na legeni.

Amos 7:16

Ti fadeso, mo Amasia, ma tënë ti KOTA GBIA: mo so mo tene: ‘Mo tene peko ti tënë ti yanga ti Nzapa na ndö ti azo ti Israel pepe; mo diko atënë na ndö ti azo ti mara ti Isaac pepe!’

Mishe 2:2

Tongana ala sara nzara ti ayaka ti azo, ala yeke mu ni; tongana ala sara nzara ti ada ti azo, ala yeke mu ni na maboko ti azo ni. Ala yeke sara ngangu na wa ti da nga na azo ti da ti lo, ala yeke gbu na ngangu aye ti azo ti da ni.

Mishe 3:3

Azo ni ayeke te kasa ti tere ti azo ti mbi, ala yeke zi poro ti tere ti azo ti mbi, ala yeke kungbi abio ti azo ti mbi si ala yeke fâ ya ti kasa ti azo ti mbi tongana ti so a yeke fâ ya ti kasa ti nyama ti to ni na ya ti ta, tongana kasa ti nyama na ya ti kota tawa.

Zakarii 5:6

Mbi hunda lo, mbi tene: “Ye ni aye ti fa nyen?” Lo kiri tënë: “Sakpa laa ayeke ga so.” Lo kiri lo tene: “Asioni ye ti kodro ni kue laa ayeke na ya ni so.”

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Jacques 5:6

Zo so asara ye ti sioni pepe, ala fâ ngbanga na li ti lo si ala fâ lo; me lo wara ngangu ti zi yanga ti lo na ala oko pepe.