Amos 8:2 - Mbeti ti Nzapa - Tënë so amu fini

² Lo hunda mbi, lo tene: “Amos, nyen laa mo baa, nyen?” Mbi kiri tënë: “Mbi baa mbeni sakpa so abengo le ti keke ayeke na ya ni.” Tongaso *KOTA GBIA atene na mbi: “Awe! Ti azo ti mbi, Israel, ye ni abe awe! Mbi yeke kiri ti kanga le na ndö ti sioni ti ala mbeni pepe.

Amos 8:2 ပူးပေါင်းရင်းမြစ်များ

Tongo nda ti aye 6:13

Nzapa atene na Noe: “Ti mbi, ngoi titene mbi hunzi azo ti sese kue alingbi awe. Ndali ti ala, sarango ngangu na azo asi singo na ndö ti sese. Mbi yeke hunzi azo ni kue si mbi yeke buba nga sese ni kue.

Ésaïe 28:4

Kongo so awoko awe si ayeke sara pendere ti gbata ni, gbata so ayeke na nduzu ti popo-hoto so akobe ayeke le daa mingi so, fade ayeke ga tongana le ti fige so abe kozo na ngoi ti fango ale ti kobe. Gi so mbeni zo abaa le ti fige ni, lo mu ni si hio lo mene ni.

Jérémie 40:10

Ti mbi, mbi yeke ngba ge na Mispa ti luti na iri ti ala na le ti azo ti Babilone so ayeke ga na ndo ti e. Me ti ala, ala ko ale ti *vinye, ale ti keke na mafuta, ala bata ni; ala ngba na ya ti agbata so ala mu ti duti daa.”

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Abia ti demango tere 4:18

Awato ti e ayeke gi peko ti e gingo; e lingbi ti fono senge na le ti kodro pepe. E ga nduru ti kui awe, lango ti e alingbi awe; biani, ti e ahunzi awe!

Ezekiel 12:23

Tene na azo ti Israel, mo tene: Tënë so mbi Kota Gbia NZAPA, mbi tene ayeke so: Mbi yeke kai mato so na yanga ti ala; mbeni zo ayeke kiri ti tene ni pepe na sese ti Israel. Me mo tene na ala: ‘Lango ayeke ga nduru so aye so kue azo abaa na ya ti mbeni ye tongana bango-li ayeke ga taa-tënë.’

Ezekiel 29:8

Ndani laa, tënë so mbi Kota Gbia NZAPA, mbi tene ayeke so: Mbi yeke sara titene bira aga na ndö ti mo, mbi yeke hunzi azo na anyama ti kodro ti mo kue.

Ezekiel 3:10

Lo kiri lo tene na mbi: “Molenge ti zo, atënë so kue mbi yeke tene na mo so, mo zi mê ti mo ti ma ni, mo bata atënë ni kue na be ti mo.

Ezekiel 3:7

Me ti azo ti Israel, fade ala yeke ke ti ma mo, ngbanga ti so ala ye ti ma mbi pepe. Biani, azo ti Israel kue ayeke azo ti ngangu li mingi, be ti ala akpengba mingi.

Ezekiel 7:6

Ye kue ahunzi awe! Ye kue ahunzi awe! Kpale ti ndani ayeke ti na ndö ti ala! Asi awe!

Ezekiel 8:12

Nzapa atene na mbi: “Molenge ti zo, ye so akangba ti Israel ayeke sara na gbe mingo so, mo baa ni na le ti mo awe-aa? Zo oko oko ayeke na ndo ti vorongo nzapa ti lo na ya ti kubu ti lo. Ala yeke tene: ‘KOTA GBIA alingbi ti baa e oko pepe; lo do kodro ni, lo zia awe!’ ”

Ezekiel 8:17

Nzapa ahunda mbi, atene: “Molenge ti zo, mo baa na le ti mo awe-aa? Asioni ye so zo alingbi ti baa na le ti lo fani use pepe si azo ti Juda ayeke sara ni ge so, alingbi na ala pepe. Na ndoni, ala yeke sara ngangu na azo ahon ndoni na ya ti kodro ni, ala yeke sara kue titene ngonzo ti mbi alondo. Baa, fadeso ala mu mbeni nduru maboko ti keke si ayeke ga na ni nduru na hon ti ala.

Ezekiel 8:6

Lo kiri lo tene na mbi: “Molenge ti zo, mo baa ye so ala yeke sara so? Azo ti Israel amu tere ti ala na sarango asioni ye so zo alingbi ti baa na le ti lo fani use pepe. Ala yeke sara ni titene mbi hon yongoro na da ti mbi so ayeke nde si ayeke nzoni kue. Me mo yeke kiri ti baa asioni sarango ye so ayeke sioni mingi ahon ti so.”

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Amos 7:8

KOTA GBIA ahunda mbi, atene: “Amos, nyen laa mo baa, nyen?” Mbi kiri tënë: “Mbi baa kamba ti mason.” KOTA GBIA akiri atene: “Mbi ga ti zia kamba ni na popo ti azo ti Israel, azo ti mbi, ti baa wala ala luti mbirimbiri. Mbi yeke kiri ti kanga le na ndö ti sioni ti ala mbeni pepe.”

Amos 8:1

Ye so Kota Gbia NZAPA afa na mbi si mbi baa ni ayeke so: mbeni sakpa so abengo le ti keke ayeke na ya ni.

Mishe 7:1

Mawa na mbi! Mbi yeke tongana zo so ague ti gi ale ti keke na peko ti so azo ako ale ti keke ni kue awe; mbi yeke tongana zo so ague ti gi ale ti *vinye na peko ti so azo afâ ale ti vinye ni awe. Me mbi wara mbeni ye oko ti tengo ni pepe, ataa le ti vinye wala le ti fige so anzere na mbi mingi so.

Zakarii 5:2

*Ange ni ahunda mbi, atene: “Mo baa nyen?” Mbi kiri tënë: “Mbi baa mbeni mbeti so ayeke huru na le ti nduzu; yongoro ni ayeke metere baleoko si nduru ni ayeke metere oku.”