Amos 8:12 - Mbeti ti Nzapa - Tënë so amu fini

¹² Fade azo ayeke tambula tongana ti azo so nzara awoko ala, ti londo na mbage ti Mbongo ti si na mbage ti Do, ti londo na mbage ti Banga ti si na mbage ti To, ala yeke fono ti gi ti ma tënë ti KOTA GBIA, me ala yeke wara ni pepe.

Amos 8:12 ပူးပေါင်းရင်းမြစ်များ

Amato 1:28

Na lango ni so, fade ala yeke iri mbi titene mbi mu maboko na ala, me mbi yeke kiri tënë na ala pepe; ala yeke gi mbi, me ala yeke wara mbi pepe.

Amato 14:6

Zo ti hengo ndo ayeke gi ti wara ndara, me lo lingbi ti wara ni pepe; zo ti hingango ye ayeke manda ye hio mingi.

Amato 29:18

Kodro so wayanga-Nzapa ayeke daa pepe ayeke duti gi na ya ti wusuwusu. Ti lo nzoni, zo so asara ye alingbi na *Ndia!

Ezekiel 20:3

“*Molenge ti zo, mo tene na akangba ti Israel, mo tene: Tënë so Kota Gbia NZAPA atene ayeke so: ‘Ala ga ti hunda mbi na nda ti tënë ti ala? Fini ti mbi! Mbi yeke zia lege na ala pepe titene ala hunda mbi na tënë! So tënë ti yanga ti Kota Gbia NZAPA laa.’

Ezekiel 20:31

Ti fadeso, ala ngba ti ga *sioni na lege ti amatabisi ti ala, na lege ti amolenge ti ala so ala yeke gbi na wâ ti mu na sandaga na ayanda. Ala azo ti Israel, na sarango ye tongaso, fade mbi yeke yeda titene ala ga ti hunda mbi na mbeni tënë? Fini ti mbi! So tënë ti yanga ti mbi, Kota Gbia NZAPA laa. Fade mbi yeke yeda pepe titene ala hunda mbi na mbeni tënë!

Daniel 12:4

‘Me ti mo Daniel, mo honde tënë so hondengo. Kozo si lango ti ndani alingbi, tënë so a su na ya ti mbeti so, mo fa ni na gigi pepe. Fade gba ti azo ayeke diko mbeti ni si hingango ndo ti ala ayeke kono.’ ”

Osée 5:6

Fade ala yeke mu ataba ti ala na abagara ti ala ti gue ti gi KOTA GBIA, me ala yeke wara lo pepe; KOTA GBIA azi tere ti lo na ala awe.

Matthieu 12:30

Zo so ayeke na mbage ti mbi pepe, andaa lo ke mbi; zo so ayeke bongbi aye legeoko na mbi pepe, andaa lo yeke kangbi ya ti aye ni kirikiri.

1 Samuel 3:1

Molenge Samuel ayeke sara kua na *KOTA GBIA na gbe ti Heli. Na ngoi ni so, KOTA GBIA ayeke tene ando tënë na azo mingi mingi pepe; wala ayeke ngangu titene lo fa mbeni ye na zo na ya ti mbeni ye tongana bango-li.